Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrikmenstan Prezıdenti Ashhabadta Abaıǵa eskertkish ornatýdy usyndy

2021 jyldyń 26 qazan 2021 19:40

AShHABAD. QazAqparat – Túrikmenstan Prezıdenti Gýrbangýly Berdimuhamedov Ashhabadta uly Abaıǵa eskertkish ornatý usynysyn jasady, dep habarlaıdy QazAqparat.

Qazaqstan Prezıdentiniń baspasóz hatshysy Berik Ýálıdiń jazýynsha, Túrikmen eliniń basshysy mundaı usynysty QR Prezıdenti Qasym-Jomart Toqaevtyń Túrikmenstanǵa memlekettik sapary barysynda jasady.

«Prezıdent Qasym-Jomart Toqaevtyń Túrikmenstanǵa memlekettik sapary barysynda osy eldiń kóshbasshysy Gýrbangýly Berdimuhamedov Ashhabadta qazaqtyń uly aqyny Abaı Qunanbaıulyn ulyqtaýǵa usynys jasady.

Túrikmenstan Prezıdentiniń pikirinshe, Abaıdyń músini eki halyqtyń joǵary adamgershilikke negizdelgen rýhanı baǵdaryn, sondaı-aq elderimiz arasyndaǵy dostyq pen yntymaqtastyqtyń shynaıy kórinisin aıǵaqtaıdy», - dep jazady B.Ýálı.

Qasym-Jomart Toqaev bul bastamany tolyq qoldap, rızashylyǵyn bildirgen.

«Abaıdyń qasıetti túrikmen jerinde ulyqtalýy – barsha qazaq halqy úshin aqjoltaı jańalyq», – dedi Qazaqstan Prezıdenti.

Eske salaıyq, 24-25 qazanda Qazaqstan Prezıdenti Qasym-Jomart Toqaev Túrikmenstan Prezıdenti Gýrbangýly Berdimuhamedovtiń shaqyrýy boıynsha memlekettik saparmen Ashhabadqa bardy. Shaǵyn quramdaǵy kelissózden keıin, keńeıtilgen formatta ekijaqty kelissózder ótti. Keıin qos memlekettiń basshylary BAQ ókilderi úshin brıfıng ótkizdi.

Q.Toqaevtyń Ashhabadqa sapary boıynsha vıdeosholý jarııalandy.


Joǵary qaraı