Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrikmenstan Qazaqstandaǵy jaǵdaıdyń tezirek qalypqa keletinine senim bildirdi

2022 jyldyń 8 qańtar 2022 05:21

NUR-SULTAN. QazAqparat - Túrikmen tarapynyń bastamasymen QR Premer-Mınıstri orynbasarynyń mindetin atqarýshy-Syrtqy ister mınıstri Muhtar Tileýberdi Túrikmenstan Mınıstrler Kabıneti Tóraǵasynyń orynbasary-Syrtqy ister mınıstri Rashıd Meredovpen telefon arqyly sóılesti, dep habarlaıdy QazAqparat.

Áńgime barysynda R.Meredov Prezıdent Q.Toqaevtyń atyna Prezıdent G.Berdymýhamedovtyń qoldaý sózin jetkizip, Túrikmenstannyń Qazaqstan halqyna kez kelgen qajetti kómek kórsetýge daıyn ekenin rastady.

Ol Qazaqstandaǵy jaǵdaıdyń tezirek qalypqa keletinine senim bildirdi.

M.Tileýberdi eldegi aǵymdaǵy jaǵdaı jáne QR basshylyǵynyń jaǵdaıdy turaqtandyrý boıynsha qabyldanyp jatqan kúsh-jigeri týraly habardar etti, sondaı-aq baýyrlas Túrikmenstanǵa qoldaǵany úshin shynaıy alǵysyn jetkizdi.

Joǵary qaraı