Aýa raıy
Astana -17 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Turǵyndar jeke zeınetaqy shotyn baqylap otyrýy kerek - zeınetaqy qory

2020 jyldyń 24 qarasha 2020 13:31

ALMATY. QazAqparat– Biryńǵaı jınaqtaýshy zeınetaqy qory salymshylarǵa jeke zeınetaqy shotynyń jaı-kúıin baqylap otyrý kerektigin eske saldy, dep habarlaıdy QazAqparat tilishsi.

Jeke zeınetaqy shotynyń jaı-kúıi týraly aqparatty BJZQ keńselerine tikeleı kelip, sondaı-aq, dástúrli poshta arqyly úzindi kóshirme alý jáne elektrondyq tásilderdi paıdalana otyryp bilýge bolady.

Qazirgi kezde jeke zeınetaqy shot týraly aqparat alýdyń eń tanymal tásili – ınternet baılanysy. Ony 6,6 mln-nan astam JZSh ıeleri tańdady.

Bul rette salymshylar men alýshylar 5 762 454 shot týraly enpf.kz saıtyndaǵy jeke kabınet nemese ENPF uıaly qosymshasy arqyly qalaǵan ýaqytynda, álemniń kez kelgen túkpirinen bile alady.

Osyndaı habarlaý tásilin tańdaǵandar sany bir jylda 225 125 adamǵa artty.

BJZQ-ǵa berilgen elektrondyq poshta mekenjaıyna jiberiletin úzindi kóshirmeni 853 954 adam alady. Ol shot ıesine ózi tańdaǵan keste boıynsha aı saıyn, toqsan saıyn, jarty jylda bir ret nemese jyl saıyn kelip turady.

Jeke zeıtenqy týraly kóshirmeni dástúrli poshta arqyly alý tásilin áli kúnge deıin 1 297 726 adam qoldanady.

BJZQ jeke zeınetaqy shotyn kez kelgen yńǵaıly tásilmen únemi qadaǵalap otyrý qajettigin eskertedi.

Ol shotyńyzdyń únemi tolyǵyp otyratynyna kózińizdi jetkizip, bolashaq zeınetaqyńyzdy josparlaýda senimdi bolýǵa múmkindik beredi.


Avtor Alma Muqanova
Basty sózder: Zeınetaqy júıesi, Almaty,
Joǵary qaraı