Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tuńǵysh Prezıdent kúni elordada qansha náreste dúnıege keldi

2021 jyldyń 1 jeltoqsan 2021 16:10

NUR-SULTAN. QazAqparat - Tuńǵysh Prezıdent kúni týǵan sábılerdiń analaryn qala ákiminiń orynbasary Ashat Oralov pen Qoǵamdyq densaýlyq saqtaý basqarmasynyń basshysy Tımýr Muratov quttyqtady, dep habarlaıdy QazAqparat qala ákimdigine silteme jasap.

Qaladaǵy aýrýhanalardyń akýsherlik bloktarynda 30 qarashadan 1 jeltoqsanǵa qaraǵan túni 27 bala dúnıege keldi, onyń 16 - sy - qyz, 11-i-ul bala.

Olarǵa Nur-Sultan qalasynyń ákimi Altaı Kólginovtiń atynan alǵys hattar men jańa týǵan nárestelerge balalar kombınezony túrindegi syılyqtar tabys etildi.

«Sizderdi sábıdiń dúnıege kelýimen jáne 1 jeltoqsan merekesimen shyn júrekten quttyqtaımyn! Búgin sizder úshin qos mereke. Sizderge jáne balalaryńyzǵa zor densaýlyq, baqyt, otbasylaryńyzǵa amandyq tileımin. Sábıler elimizdiń maqtanyshy bolyp óssin», - dedi Ashat Oralov.

Eske sala keteıik, Qazaqstan Táýelsizdiginiń 30 jyldyǵy qarsańynda elordada «30 ıgi is» uranymen áleýmettik jáne qaıyrymdylyq is-sharalary ótýde. Bul estafetadaǵy eń basty maqsat - qala men onyń turǵyndary úshin ıgi is jasaý.





















Joǵary qaraı