Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tuńǵysh Prezıdent kúni: Atyraýda 1 myń otbasyǵa azyq-túlik kómegi berildi

2021 jyldyń 1 jeltoqsan 2021 17:31

ATYRAÝ. QazAqparat – Atyraý oblysynda Tuńǵysh Prezıdent kúninde 1 myń otbasyǵa azyq-túlik kómegi berildi, dep habarlaıdy QazAqparat.

Atyraý oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń aıtýynsha, azyq-túlik kómegin berýge «Halyq» qaıyrymdylyq qory qoldaýy kórsetken.

«Oblysta barlyq sanattaǵy múgedekterdiń sany 23 013 adam. Buǵan qosa áleýmettik turmysy tómen topqa jatatyn jalǵyzbasty qarııalar men kópbalaly analar da bar. Tuńǵysh Prezıdent kúninde 1 myń otbasyǵa azyq-túlik kómegin berýdegi maqsatymyz – barlyq sanattaǵy otbasylardy qamtyp, qoldaý kórsetý. Azyq-túlik kómegin alǵandardyń qatarynda Atyraý qalasynyń turǵyny Nurgúl Aqtileýova da bar. Ol densaýlyq jaǵdaıyna baılanysty jumysqa jaramsyz bolǵan. Biraq, ózin-ózi qamtý úshin qysqa merzimdi kýrsta oqyǵysy keledi. Biz onyń bul tilegine qoldaý kórsetemiz», - deıdi Azamat Mámbetov.

Onyń sózine sensek, mundaı qoldaý is-sharasy jyl basynan beri úshinshi ret uıymdastyrylǵan. Áleýmettik jaǵdaıy tómen otbasylar men múgedek jandarǵa azyq-túlik úlestirýden bólek, materıaldyq qajettiligin qamtıtyn ózge de sharalar jalǵasyn tabady. Al, búgingi azyq-túlik taýarlary salynǵan jáshikterdi otbasylarǵa jetkizýge erikti jastar men úkimettik emes uıymdardyń ókilderi atsalysty.

Eske sala ketelik, budan buryn táýelsizdik jyldarynda Atyraý oblysynda 250 myńnan astam jumys orny ashylǵanyn jazǵan edik.








Joǵary qaraı