Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tumaýǵa qarsy daıyndyq: sanıtar dáriger júkti áıelderge birqatar keńes berdi

2021 jyldyń 23 qyrkúıek 2021 14:54

PETROPAVL. QazAqparat – Soltústik Qazaqstan oblysy sanıtarııalyq-epıdemıologııalyq baqylaý departamentiniń bólim basshysy Baqtııar Sádý tumaý maýsymynyń aldynda júkti áıelderge jiti respıratorlyq aýrýlardan qalaı saqtanýǵa bolatyndyǵyn aıtty, dep habarlaıdy QazAqparat tilshisi.

Dárigerler júktilik kezinde kez kelgen aýrýdy, sonyń ishinde jiti respıratorlyq vırýstyq ınfektsııany emdegennen góri onyń aldyn alýǵa keńes beredi. Kúz ben qys sýyq tıip aýyrý múmkindigi joǵary qaýipti kezeń. Sonyń ishinde tumaýdyń bolashaq anaǵa qandaı qaýpi bar?

«Júktiliktiń sońǵy aılarynda jáne bosanar aldynda júkti áıelder juqpaly aýrýlarǵa shaldyqqysh bolady. Jiti respıratorlyq vırýstyq ınfektsııa (JRVI) endokrındik jáne ımmýndyq júıeler qyzmetin buzady, tonzıllıt, pıelonofrıt sekildi sozylmaly aýrýlar qozady. Ádette tumaý asqynyp bastalady, dene qyzýy kúrt kóteriledi. Alǵashqy eki kúnde temperatýra 39-40 gradýsqa deıin jetip, sosyn tez tómendeı bastaıdy. Dene qyzýynyń kóterilý uzaqtyǵy ádette 2-4 kúnnen aspaıdy. Sondaı-aq bas aýyryp, aınalady, ish aýrýy, júrek aınýy, qusý, uıqynyń buzylýy baıqalady. Tumaýmen aýyrǵan adam isinip, bozarady», - deıdi Soltústik Qazaqstan oblysynyń sanıtarııalyq-epıdemıologııalyq baqylaý departamentiniń aýrýhana ishilik ınfektsııalardy baqylaý bóliminiń basshysy Baqtııar Sádý.

Júkti áıelderde aýyr klınıkalyq kórinister bolmaǵan kezde JRVI uzaqqa sozylýy múmkin.

«JRVI týdyratyn vırýstardyń platsenta arqyly aýrý anadan uryqqa beriletindigi dáleldendi. Táýekel tobyna júktiliktiń aldyndaǵy jyly osy ınfektsııalarmen úsh retten kóp aýyrǵan áıelder kiredi. Bul ımmýnologııalyq jetkiliksizdiktiń belgisi. Sondyqtan júkti áıelder kúz ben qysta adamdar kóp jınalatyn qoǵamdyq oryndarǵa barmaǵany jón. Juqtyrý qaýpi bolǵan jaǵdaıda qoǵamdyq oryndarda maska kııý kerek. Maska nátıje berý úshin ony durys kııý qajet, 2-3 saǵattan keıin aýystyrǵan durys. Paıdalanylǵan maskany ekinshi ret qoldanýǵa bolmaıdy», - deıdi sanıtar dáriger.

Mamannyń aıtýynsha, tumaý men JRVI-diń aldyn alýǵa bolady. Dárýmen-mıneraldy keshendi qoldaný vırýsqa qarsy ımmýnıtetti qalyptastyrýǵa kómektesedi.

«Aýrýdan qorǵaný úshin qazirgi ýaqytta A, S, E dárýmenderin, selen, magnıı, temir mıkroelementterin iship, shóp dárilerin de qoldanýǵa bolady. Mundaı aldyn alý sharalaryn júktiliktiń birinshi trımestrinen bastap, táýekel tobyna jatatyn áıelderge júktiliktiń kez-kelgen merziminde qoldaný qajet», - deıdi Baqtııar Sádý.


Joǵary qaraı