Aýa raıy
Astana -28 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Tumaý taraıtyn ýaqytta koronavırýstyń da belsendiligi baıqala bastady - dáriger

2020 jyldyń 27 qarasha 2020 23:35

ALMATY. QazAqparat - Almaty qalalyq Qoǵamdyq densaýlyq basqarmasy basshysynyń mindetin atqarýshy Janar Mádeeva tumaý taraıtyn maýsym jaqyndaǵan saıyn COVID-19-dyń da belsendiligi baıqalyp jatyr degen pikir bildirdi, dep habarlaıdy QazAqparat tilshisi.

Búginde Almatyda koronavırýs ınfektsııasyn juqtyrýdyń 15876 jaǵdaıy tirkelgen. Onyń 9583-inde aýrý belgileri bolsa, 6293-i sımptomsyz bolyp shyqty.

J.Madeevanyń aıtýynsha, aýrý juqtyryp, syrqattanýdyń eń joǵarǵy kórsetkishi 2020 jyldyń shilde aıynda boldy. Shildede reanımatsııa bólimshelerindegi patsıentterdiń úles salmaǵy 4% boldy (statsıonardaǵy 1691 patsıenttiń 65-i), bul qazirgi kezben salystyrǵanda 3 ese az.

«Bul fakt aýrýdyń agressıvti bola bastaǵanyn kórsetedi. Jaǵdaı az ýaqyttyń ishinde qıyndap ketýi yqtımal. Bul koronavırýs ınfektsııasynyń basqa sýyqtan bolatyn aýrýlarmen birge júrýimen baılanysty bolýy múmkin. Bul jaǵdaı dıagnozdy rastaý úshin naýqastardyń medıtsınalyq uıymdarǵa kesh kelýine yqpal etýi múmkin. Osyǵan baılanysty qala turǵyndary men qonaqtaryna taǵy da eske salǵym keledi. Aýrýdyń alǵashqy belgileri kezinde ózin - ózi oqshaýlaý boıynsha barlyq múmkin sharalardy qabyldap, aýmaqtyq emhanaǵa habarlasyp, dárigerdi shaqyrý qajet», - dedi ol.


Joǵary qaraı