Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tumaý men koronavırýs bir ýaqytta juǵýy múmkin – ınfektsıonıst-dáriger

2021 jyldyń 13 qazan 2021 10:45

ALMATY. QazAqparat - Teorııalyq turǵydan tumaý men koronavırýsty bir ýaqytta juqtyrýǵa bolady, ýaqytyly emdelip onyń aldyn almasa saldary aýyr bolmaq. Bul týraly QazAqparat tilshisine Almatydaǵy №4 qalalyq emhananyń ınfektsıonıst-dárigeri Sholpan Áýelbekova aıtty.

Sholpan Áýelbekovanyń aıtýynsha, Almatyda maýsymdyq tumaýǵa qatysty ahýal turaqty. Búgingi kúni tumaýdyń aýyr túrimen syrqattanǵan naýqastar tirkelgen joq.

«Biz maýsymdyq tumaýǵa daıynbyz. Jyl saıyn epıdemıologııalyq sharalar júrgiziledi. Tumaý men JRVI -diń aldyn alý baǵyttarynyń biri – halyqtyń belgili bir sanatyn qamtıtyn vaktsınatsııa. Tumaýǵa qarsy dári-dármekter de jetkilikti», - deıdi dáriger.

Spıkerdiń sózinshe, eger koronavırýs pen tumaý bir ýaqytta juqsa, onyń saldary aýyr bolýy múmkin.

«Koronavırýs mehanızminde ımmýndyq júıeniń buzylýynan mýltıvaskýlıarly sındrom paıda bolady. Bul ınfektsııalardyń kombınatsııasy naýqastyń jaǵdaıyn nasharlatýy múmkin», - dep túsindirdi ol.

Sonymen qatar, ol koronavırýs ınfektsııasyn tumaýdan ajyrata alý óte mańyzdy ekenin atap ótti. Óıtkeni bul aýrýlardy emdeý ádisi ártúrli.

«Tumaý ádette jeltoqsan-aqpan aılarynda órshıdi. Tumaý da, koronavırýs ta jiti juqpaly aýrýlar. Bastapqy kezeńde ekeýiniń belgileri uqsas keledi. Sondaı-aq vırýstardyń ekeýi de aýa-tamshy joly jáne turmystyq baılanys arqyly juǵady. Alaıda, koronavırýs qarapaıym tumaýǵa qaraǵanda – aýyr. Bul indettiń asqyný paıyzy joǵary», - deıdi ınfektsıonıst.

Sóz sońynda dáriger barlyq sanıtarlyq sharalardy saqtaýdy usyndy.

«Maska rejımi men áleýmettik qashyqtyqty saqtaý qajet. Qoldy jıi jýyp, antıseptık qoldanýdy toqtatpaǵan jón. Eń bastysy, vaktsına alý kerek. Bul – aýrýdyń aldyn alýdyń birden bir joly», - dep qorytyndylady dáriger.


Joǵary qaraı