Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Túlkibas aýdanynda karantın rejımi jyl basynan beri 258 ret buzylǵan

2021 jyldyń 23 qańtar 2021 09:58

TÚLKІBAS.QazAqparat - Túlkibas aýdandyq polıtsııa bóliminiń qyzmetkerleri ákimshilik jáne sanıtarııalyq epıdemıologııalyq qyzmet ókilderimen birlesip, Covid-19 koronavırýstyq ınfektsııasynyń aldyn alý sharalaryn uıymdastyrýda.

Arnaıy qurylǵan mobıldi toptar saýda jáne oıyn-saýyq oryndarynyń, dúkender men bazarlardyń ıelerimen, qoǵamdyq kólikterde jáne kóshelerde karantın men ózin-ózi oqshaýlaý rejıminiń saqtalýyn tekserýde. Qazirgi tańda qurylǵan mobıldik toptar jyl basynan beri karantın talaptaryn buzdyń 258 jaǵdaıyn anyqtaǵan, dep habarlaıdy QazAqparat Túrkistan oblystyq Polıtsııa departamentine silteme jasap.

Onyń ishinde qudalyq-1, betperde taqpaǵandar boıynsha 250, bir rettik qolǵap kımegenderge qatysty 7 derek tirkelgen. Mysaly, Túlkibas aýdanynyń kósheleriniń birinde ornalasqan azyq-túlik dúkeniniń satýshysy betperde kımesten, turǵyndarǵa qyzmet kórsetken. Sonymen qatar aýdan kóshelerinde ornalasqan toıhanalardyń biri karantın rejımin saqtamaı 70 shaqty adamnyń basyn qosyp, qudalyq ótkizip jatqany belgili boldy.

Atalǵan quqyqbuzýshylyqtar QR ÁQBtK-niń 425-baby «Halyqtyń sanıtarlyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» boıynsha aýdandyq sanıtarııalyq epıdemıologııalyq bólimine joldanyp, ákimshilik hattamalar toltyrylyp, kináli azamattarǵa qatysty aıyppuldar salyndy.

«Túrkistan oblysynyń Polıtsııa departamenti karantın rejımi kezinde bekitilgen talaptardy oryndamaı, turǵyndardyń densaýlyǵyna qaýip tóndiretin azamattar tıisti jazaǵa tartylatynyn eskertedi. Sondyqtan Bas sanıtarlyq dárigerdiń qaýlysynyń talaptaryn qatań saqtaý, betperde kııý jáne araqashyqtyqty saqtaýdy esten shyǵarmańyz»,-delingen habarlamada.


Joǵary qaraı