Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Týǵan jer: SQO-da 326 joba júzege asty

2021 jyldyń 4 jeltoqsan 2021 02:46

PETROPAVL. QazAqparat – Nur Otan partııasy partııasy Soltústik Qazaqstan oblystyq fılıaly janyndaǵy «Miras» qoǵamdyq keńesinde «Týǵan jer» arnaıy jobasy aıasynda atqarylǵan jumystar qorytyndylandy, dep habarlaıdy QazAqparat tilshisi.

SQO-da «Rýhanı jańǵyrý» baǵdarlamasy Elbasynyń «Uly dalanyń jeti qyry» maqalasy negizge alyna otyryp úılestirilgen. Barlyǵy 6 baǵytty qamtyǵan, 13 joba bar. Ótken jyldyń sońyna qaraı taǵy 4 arnaıy joba qosyldy.

«Týǵan jer» baǵdarlamasy aıasynda byltyr myńnan asa is-shara ótkizildi. 382 myńnan astam adamdy qamtyǵan 456 joba iske asyryldy. Óńirdiń kásipkerleri, 539 metsenat 1 mlrd 432 mln teńge qarjy bólip, nátıjesinde áleýmettik mańyzy bar 15 nysan boı kóterdi. Taǵy 145-ine kúrdeli jóndeý júrgizildi.

Bıyl jumys jalǵasyp, metsenattar qarajaty esebinen 326 joba iske asyryldy. Jańadan áleýmettik mańyzy bar 6 nysan salynyp, paıdalanýǵa berilse, 50-i jónge keltirildi. Bul maqsatqa 473 metsenat 647 mln teńge jumsady.

Demeýshilerdiń kómegimen aýyldarda kópir salynyp, jeke sektordaǵy turǵyn úılerge gaz tartyldy, sý taratý munarasy boı kóterdi. Tozyǵy jetken jylý jelileri jónge keltirilip, áleýmettik nysandardy jylýmen qamtamasyz etý úshin kúrdeli jóndeý sııaqty iri jobalar júzege asty.

Jalpy SQO-da 2017-2020 jyldar aralyǵynda metsenattardyń kómegimen 206 mektep jóndeldi, 32 densaýlyq saqtaý nysany, 38 sport jáne 45 mádenıet nysany salyndy.


Joǵary qaraı