Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tranzıttik kólikter dızel otynyn satyp alý kólemin arttyrdy - Áset Maǵaýov

2021 jyldyń 29 qyrkúıek 2021 17:07

NUR-SULTAN. QazAqparat – QR Energetıka vıtse-mınıstri Áset Maǵaýov elimizdegi dızel otyny naryǵyndaǵy jaǵdaıǵa túsinik berdi, dep habarlaıdy QazAqparat tilshisi.

«Bıyl dızel otynyn óndirý kólemi 4,9 mln tonnany quraıdy, bul 2015 jyldan bergi eń joǵary kórsetkish. Kórip otyrǵandaryńyzdaı, dınamıka boıynsha bizdiń munaı óńdeý zaýyttarymyzdaǵy óndiris turaqty túrde ósip keledi. Jalpy, bıylǵy 5 aıynda tutyný mamyr men qyrkúıek aralyǵynda 2020 jyldyń sáıkes kezeńimen salystyrǵanda 480 myń tonnaǵa jáne 2019 jyldyń sáıkes kezeńimen salystyrǵanda 246 myń tonnaǵa joǵary boldy», - dedi Á. Maǵaýov Ortalyq kommýnıatsııalar qyzmetinde.

Onyń aıtýynsha, elimizdegi bólshek saýda baǵasy kórshi elderge qaraǵanda aıtarlyqtaı tómen, bul turǵyda tranzıttik kólikter dızel otynyn satyp alýy kólemin arttyrǵan.

Sonymen qatar vıtse-mınıstr qazirgi ýaqytta Reseımen salystyrǵanda, kóterme baǵanyń aıyrmashylyǵy tonnasyna 80-90 myń teńgeni quraıtynyn jetkizdi. Reseıde janar-jaǵarmaıdyń kóterme baǵasy álemdik munaı baǵasynyń kóterilýimen birge ósti. Al Qazaqstanda osy kezde bul baǵalar azdap qana ózgerip otyrdy.


Joǵary qaraı