Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tótenshe jaǵdaılar departamenti elordadaǵy dámhanada órttiń shyǵýy sebebin aıtty

2021 jyldyń 5 mamyr 2021 16:58

NUR-SULTAN. QazAqparat – Elordadaǵy Tótenshe jaǵdaılar departamenti bastyǵynyń orynbasary Sábıt Bıtaev búgin qaladaǵy dámhanada órttiń shyǵýy sebebin aıtty, dep habarlaıdy QazAqparat tilshisi.

«Búgin saǵat 11:36 kezinde Baıqońyr aýdanyndaǵy Ǵumar Qarash kóshesindegi nysanda órt bolyp jatqany týraly habarlandy. Jeti mınýttan keıin birinshi órt sóndirý mashınasy jetkennen soń, jeke turǵyn úı men «Shashlychnyı dvor» dámhanasynyń shatyryna órt taralǵanyn anyqtady. Osy oraıda órt 100 sharty metr aýmaqta bolǵan», - dedi S. Bıtaev onlaın baspasóz máslıhatynda.

Onyń aıtýynsha, órtten eshkim jaraqat almaǵan jáne zardap shekpegen.

«Qazirgi málimet boıynsha, elektr energııasy jelisindegi symdardyń qysqa tuıyqtalýy órtke sebep bolyp otyr», - dedi departament ókili.

Budan buryn habarlanǵandaı, Nur-Sultan qalasynyń aýmaǵynda qýraǵan shóp pen qamystyń órtenýi jıilep ketken. Jyl basynan elorda aýmaǵynda 300 órt tirkeldi.


Joǵary qaraı