Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tótenshe jaǵdaı kezinde bankomattarǵa aqsha qalaı jetkizildi

2022 jyldyń 24 qańtar 2022 12:51

NUR-SULTAN. QazAqparat – Іshki ister mınıstrliginiń resmı ókili Nurdildá Oraz eldegi tótenshe jaǵdaı rejımi kezinde bankomattarǵa aqsha qalaı jetkizilgenin baıandady, dep habarlaıdy QazAqparat tilshisi.

«Qańtardyń qaıǵyly oqıǵalarynda ınternet pen uıaly baılanys shektelip, mobıldi jáne elektrondyq tólemderdi júzege asyrý múmkin bolmaı qalǵanda azamattar únemi qolma-qol aqshamen qamtamasyz etildi.

Bul ýaqytta «Halyq banktiń» ınkassatorlary ómiri men densaýlyǵyna tónetin qaterlerge qaramastan 3,5 myń bank bólimshesine, 6 myńnan astam avtojanarmaı quıý beketine, 17,5 myń bıznes obektisine shyǵyp, 13 myńǵa jýyq bankomatqa aqsha júktegen», - dedi ІІM resmı ókili.

Onyń aıtýynsha qaraǵanda, osynaý kúrdeli jaǵdaıda polıtsııa qyzmetkerleri men áskerı qyzmetshiler aqsha tasymalyn qarýly kúzetpen qamtamasyz etken.

«Osy maqsatqa polıtsııa tótenshe jaǵdaı kezinde myńnan astam avtoekıpaj ben 4,5 myń qarýly polıtsııa jasaǵyn bólip bekitti», - dedi Nurdildá Oraz.

Atalmysh brıfıngide ІІM resmı ókili jarylǵysh zarttar men oq-dári taýyp alǵan jaǵdaıda ne isteý kerektigin túsindirdi.

«Jarylǵysh materıaldar men oq-dáriler taýyp alǵan jaǵdaıda olarǵa tıispeý kerek jáne tasymaldaýǵa bolmaıdy. Mundaı jaǵdaıda azamattardan jazataıym oqıǵalar men jaraqattanýdyń aldyn alý úshin polıtsııaǵa «102» nemese «112» telefondary boıynsha habarlaýdy suraımyz», - dedi ol.


Joǵary qaraı