Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Toppen zorlyq jasaǵan: Shymkentte kúdikti 7 jyldan keıin ustaldy

2021 jyldyń 21 maýsym 2021 18:10

NUR-SULTAN. QazAqparat – Shymkentte toppen birge zorlyq jasap, sot tóreliginen jasyrynyp júrgen kúdikti ustaldy. Іshki ister mınıstrliginiń baspasóz qyzmeti osyndaı aqparat taratty, dep habarlaıdy QazAqparat.

Buǵan deıin polıtsııa osy is boıynsha kúdikke ilingen úsh adamdy tutqyndap, qylmystyq jaýapkershilikke tartqan bolatyn. Olar 2014 jyldyń naýryz aıynda Shymkent qalasynyń Igilik aýylynda «Moskvıch-412» avtokóliginiń salonynda 23 jastaǵy qyzdy zorlaǵan.

«Tórtinshi qylmyskerdi izdeýge respýblıkanyń qalalary men oblystarynyń polıtsııa departamentteriniń jeke quramy baǵyttaldy. Kúdiktiniń turǵan jerin anyqtap, ustaý úshin kórshileri men týystarynan, jaqyn dostary men tanystarynan, burynǵy seriktesterinen jaýap alyndy. Ol boı jasyrýy múmkin mekenjaılar tekserildi.

Keıin oǵan halyqaralyq izdeý jarııalanyp, Qyrǵyzstan, Ózbekstan, Tájikstan jáne Reseı Federatsııasynyń Іshki ister mınıstrlikterine baǵdarlar joldandy. Qylmys jasalǵanǵa deıin kúdikti Reseı aýmaǵyna birneshe ret barǵany anyqtaldy. Osyǵan baılanysty qazaqstandyq detektıvter kórshi elge issaparǵa bardy», -dep jazady mınıstrliktiń baspasóz qyzmeti.

7 jyl boıy qolǵa túspegen kúdikti aqyry, Shymkent qalasynda ustaldy.

«Polıtsııa qyzmetkerleri qashqynnyń ornalasqan jerin anyqtap, ony Shymkent qalasyndaǵy «Evrıka» saýda ortalyǵynyń janynda tutqyndady. Kúdikti boı tasalap júrgende týystarymen jáne dostarymen aralasýyn toqtatqan. Ártúrli qalalarda jaldamaly páterlerde turyp, páterler men úılerdi jóndeýmen aınalysqan. Áshkere bolyp qalmas úshin únemi qalpaq, qara kózildirik kıip, murt pen saqal ósirgen. Adamdar kóp jınalatyn jerlerge, qoǵamdyq oryndarǵa barmaıtyn bolǵan. Qazirgi ýaqytta kúdikti Shymkent qalasy Polıtsııa departamentiniń ýaqytsha ustaý ızolıatoryna qamaldy», - dep jazylǵan resmı málimette.


Avtor Esimjan Naqtybaı
Basty sózder: QR ІІM, Qylmyspen kúres,
Joǵary qaraı