Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Tońazytqyshtaǵy sábı ólimi: Perınataldyq ortalyq dárigerleri jumystan ketip jatqany týraly aqparat — jalǵan

2021 jyldyń 22 qańtar 2021 07:53

TYRAÝ. QazAqparat – Atyraý oblystyq perınataldyq ortalyǵynyń dárigerleri burynǵy áriptesterine shyǵarylǵan sot úkimine qatysty pikirin bildirdi, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń málimetine qaraǵanda, perzenthana qyzmetkerleri kináli dep tanylǵan eks-dárigerlerge taǵaıyndalǵan jazanyń merzimin qysqartýǵa usynys jasaǵan.

«Eshkim sot úkimine qarsy emes. Alaıda, jazany jeńildetýge qastysty sharalar qoldanýǵa bolady degen úmitimiz basym. Óıtkeni, áriptesterimizge qatysty shyǵarylǵan úkim tym qatań. Osyndaı óte kúrdeli jaǵdaıda medıtsına qyzmetkerleri qalypty rejımde jumys istep, tikeleı mindetin atqara almaıdy. Budan keıin, endi jetilip kele jatqan jas medıtsına qyzmetkerleriniń kózinen qandaı jalyn, qandaı ot kórýge bolady?» - deıdi Asqar Kenjeǵalıev.

Onyń aıtýynsha, sot úkimimen kelispegen ortalyqtyń ujymy jappaı jumystan ketýge aryz bergeni týraly aqparat shyndyqqa janaspaıdy.

Medıtsına qyzmetkerlerimen Atyraý oblysy ákiminiń birinshi orynbasary Serik Aıdarbekov, oblys ákiminiń orynbasary Baqytgúl Hamenova, máslıhat depýtattary kezdesip, talap-tilekterin tyńdady.

Eske sala ketelik, budan buryn Atyraýda tońazytqyshtaǵy sábı ólimine qatysty perzenthana dárigerlerine sot úkimi shyqqanyn jazǵan edik.


Avtor Bek Mustafa
Basty sózder: Atyraý oblysy, Sot, Oqıǵa, Medıtsına,
Joǵary qaraı