Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tokıoda tabysty óner kórsetý úshin barymdy salamyn – Elena Rybakına

2021 jyldyń 18 maýsym 2021 13:42

NUR-SULTAN. QazAqparat – Tokıo Olımpıadasynda tabysty óner kórsetý úshin barymdy salamyn. Bul týraly Qazaqstannyń birinshi raketkasy Elena Rybakına málim etti, dep habarlaıdy QazAqparat tilshisi.

Qazaqstan tennıs federatsııasy málim etkenindeı, E.Rybakına tórt jylda bir ótetin álemdik dodaǵa alǵash ret qatyspaqshy.

-Elena, Olımpıadaǵa joldama alǵan kezde qandaı kóńil-kúıde boldyń?

- Árıne, óte qýanyshtymyn. Osynshama ýaqyttan keıin álemniń eń basty jarysynda el namysyn qorǵaý baqyt qoı. Degenmen alda taǵy bir «Úlken dýlyǵa» týrnıri – Ýımbldon jarysy bar. Ázirge soǵan daıyndalýdamyn.

-Lıtsenzııa alamyn dep kúttiń be?

- Iá, reıtıng boıynsha qatysýshylardyń qataryna qosylatynymdy túsindim. Bıyl Bıllı Djın Kıng kýbogynda Argentınamen bolǵan matchta Qazaqstan úshin barymyzdy saldyq. Endi, mine, Olımpıadada da oınamaqshymyn.

-Endeshe, daıyndyq qandaı deńgeıde?

- Qazir jyl basyndaǵydan góri ózimdi jaqsy sezinýdemin. Tokıoda jaǵdaı qalaı bolatyny jóninde kúni buryn aıtý qıyn. Óıtkeni onda óte ystyq bolady, jolda uzaq ushýǵa týra keledi. Oǵan qosa qatań karantındik sharalar barlyq qatysýshylarǵa ońaı tımeıtini anyq.

-Olımpıadaǵa deıin qaıda bolasyń?

- Ázirge Ýımbldon dodasynda qalaı óner kórsetemin, soǵan baılanysty. Sodan keıin birneshe kúnge úıge qaıtamyn. Sosyn Eýropa ne úıde daıyndalamyn.

Eske sala keteıik, budan buryn Qazaqstannan Olımpıadaǵa qatysatyn tennısshiler anyqtalǵanyn, Elena Rybakınanyń Berlın týrnıriniń shırek fınalyna shyǵa almaǵanyn jazǵan bolatynbyz.

Sondaı-aq qazaqstandyq tennısshi Chehııadaǵy týrnırdiń fınalyna shyqty.




Avtor Eljan Eraly
Basty sózder: Qoǵam, Sport,
Joǵary qaraı