Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tokıo ýnıversıtetindegi qabyldaý emtıhany aldynda bir jasóspirim úsh adamǵa pyshaq salǵan

2022 jyldyń 15 qańtar 2022 20:00

TOKIO. Kyodo-QazAqparat -Senbi kúni Tokıo ýnıversıtetiniń janynda jalpyulttyq qabyldaý emtıhandary aldynda eki orta mektep oqýshysy men bir er adamdy pyshaqtap ketti, dep habarlaıdy QazAqparat Kyodo agenttigine silteme jasap.

Buǵan kúdikti jasóspirim qamaýǵa alyndy.

Polıtsııanyń habarlaýynsha, tańǵy saǵat 8:30 shamasynda ýnıversıtettiń bas qalashyǵyna aparatyn qaqpalardyń biriniń aldynda úlgerimi nashar talapker 72 jastaǵy er adam men 17 jáne 18 jastaǵy eki stýdenttiń arqasynan pyshaq suqqan.

«Men jaqsy oqymadym, sondyqtan osyndaı qylmys jasap, ólgim keldi», - dedi kúdikti, Nagoıadaǵy jeke orta mektep oqýshysy.

«Men Tokıo ýnıversıtetinde dáriger bolý úshin oqydym, biraq bir jyl boıy úlgerimim nashar boldy jáne ózime degen senimimdi joǵaltty, - degen jasóspirimniń sózin keltiredi polıtsııa.

Ol polıtsııaǵa Tokıoǵa senbi kúni tańǵy saǵat 6-da jetýi tıis jedel avtobýspen barǵanyn aıtty, al tergeý júrgizýdegi derekkóz onyń ata-anasy juma kúni keshke Aıchı prefektýralyq polıtsııasyna ulynyń joǵalyp ketkeni týraly habarlaǵanyn málim etti.

Kámeletke tolmaǵandyqtan aty-jóni jarııalanbaǵan shabýyl jasaýshy qoldanǵan pyshaqty Tokıodan 250 shaqyrym jerdegi úıinen ákelgenin aıtty.

Polıtseıler kelgen kezde ol oqıǵa bolǵan jerde otyrǵan, qasynan qanǵa boıalǵan 12 santımetrlik júzi bar ashana pyshaǵy tabylǵan.


Basty sózder: Japonııa, Oqıǵa,
Joǵary qaraı