Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tokıo Olımpıadasyna Almatydan qansha sportshy baratyny belgili boldy

2021 jyldyń 15 shilde 2021 22:36

ALMATY. QazAqparat - Almaty ákimi Baqytjan Saǵyntaev Olımpıada oıyndaryna baratyn sportshylarǵa aq jol tiledi, dep habarlaıdy QazAqparat tilshisi.

Qala ákimi twitter-degi paraqshasyna Tokıoda ótetin Olımpıada oıyndaryna Almatydan 13 sportshy baratynyn jazyp, olarǵa sáttilik tiledi.

«Almatynyń 13 sportshysy Tokıoda ótetin Olımpıadada sporttyń alty túrinen Qazaqstannyń namysyn qorǵaıdy. Olar júzý, sporttyq gımnastıka, sý doby jáne eń alǵash ret quzǵa órmeleý bar. Sondaı-aq eki sportshy Paralımpıadada óner kórsetedi. Barshańyzǵa sáttilik, shydam men jeńis tileımin», - dep jazdy Baqytjan Saǵyntaev.

«Tokıo - 2020» Olımpıada oıyndary osy jyldyń 23 shildesinen 8 tamyzǵa deıin Japonııada ótedi. Almaty qalasynyń 13 sportshysy Olımpıada oıyndaryna qatysý úshin sporttyń 6 túri boıynsha 13 lıtsenzııany jeńip aldy: júzý (100 m, 200 m) – Dmıtrıı Balandın; sporttyq shyńǵa shyǵý – Rıshat Haıbýllın; sporttyq gımnastıka – Mılad Karımı (7 lıtsenzııa); sý polosynyń komandasy; jeńil atletıka – Krıstına Ovchınnıkova; stendilik atý – Ásem Orynbaı. Eldegi lıtsenzııalardyń jalpy sany – 96, al sportshylar sany – 95.

Sonymen qatar 24 tamyz ben 5 qyrkúıek aralyǵynda Tokıoda Paralımpıada oıyndary ótedi. Almatydan 2 sportshy 2 lıtsenzııa jeńip aldy: parataekvondo – Kamılıa Dosmalova, parapaýerlıftıng – Alına Solodýhına.


Avtor Alma Muqanova
Basty sózder: Almaty, Olımpıada, Sport,
Joǵary qaraı