Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tokıo Olımpıadasy tikeleı efırden kórsetiletin boldy

2021 jyldyń 23 shilde 2021 16:12

NUR-SULTAn. QazAqparat - XXXII Jazǵy Olımpıada oıyndarynyń translıatsııasyna qatysty japonııalyq «Dentsu Inc.» kompanııasymen kelissóz nátıjeli aıaqtaldy, dep habarlaıdy QazAqparat «Qazaqstan» RTRK» AQ baspasóz qyzmetine silteme jasap.

«Qazaqstan» teleradıokorporatsııasy men «Habar» agenttigi» AQ el aýmaǵynda Tokıo Olımpıadasyn jáne 2022 jylǵy Beıjińde ótetin Qysqy Olımpıada oıyndaryn kórsetý quqyǵyn ıelendi. Kelisimshart qorytyndysy boıynsha translıatsııa qunyn qolaıly baǵada satyp alý týraly ortaq mámilege qol jetkizildi.

Qazaqstandyqtar 23 shilde men 8 tamyz aralyǵynda Tokıoda ótetin Jazǵy Olımpıada oıyndaryn «Qazaqstan», «Qazsport» jáne «Habar» telearnalarynan tikeleı efırde kóre alady. Álemdik saıysta Qazaqstan quramasynan sporttyń 27 túri boıynsha 96 sportshy baq synaıdy.
Telearnalardaǵy olımpıadalyq jarystar kestesi qosymsha jarııalanady.
Aıta keteıik, osy sátte «Qazaqstan» jáne «Habar» arnasy Olımpıada oıyndarynyń ashylý saltanatyn tikeleı efırde kórsetip jatyr.


Joǵary qaraı