Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tokıo-2020: Ústel tennısinen qazaqstandyq sportshylardyń qarsylastary anyqtaldy

2021 jyldyń 21 shilde 2021 22:53

NUR-SULTAN. QazAqparat - Búgin Japonııanyń Tokıo qalasynda ústel tennısinen jerebe tartý rásimi ótip, qazaqstandyq sportshylardyń qarsylastary belgili boldy, dep habarlaıdy QazAqparat tilshisi.

QR Ulttyq olımpıadalyq komıtetiniń baspasóz qyzmeti habarlaǵandaı, erler arasynda jeke saıys boıynsha 65, al áıelder arasynda 70 sportshy baq synamaq. Sporttyń bul túrinen el sportshylary 24 shilde kúni jarys alańyna shyǵady.

Jerebe nátıjesine sáıkes 24 shilde kúni el namysyn qorǵaıtyn Anastasııa Lavrovanyń alǵashqy qarsylasy ITTF reıtıngisinde 72-orynda turǵan ıspanııalyq tenısshi Marııa Sıao bolady.

Al Qazaqstan quramasynyń kóshbasshysy Kırıll Gerasımenko jarysqa ekinshi kezeńnen qosylady. Ol 25 shildede Lıýbomır ıAncharjık (Chehııa)/Alı Alhadravı (Saýd Arabııasy) jubynyń jeńimpazymen kezdesedi.

Esterińizge sala keteıik, Tokıo Olımpıadasy 23 shilde bastalyp, 8 tamyz kúni máresine jetedi.


Avtor Kúnsultan Otarbaı
Basty sózder: Sport, Olımpıada,
Joǵary qaraı