Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tokıo-2020: Medaldar kestesinde Qazaqstan 19-orynda tur

2021 jyldyń 24 shilde 2021 23:58

TOKIO. QazAqparat - Japonııa astanasy Tokıo qalasynda ótip jatqan Olımpıada oıyndaryndaǵy alǵashqy kúngi medaldar esebi jarııalandy, dep habarlaıdy QazAqparat.

Aıta keteıik, búgin dzıýdoshy Eldos Smetov 60 kelide el qorjynyna qola medal saldy. Osylaısha Qazaqstan quramasy Olımpıadanyń birinshi kúninde medal alǵan memleketter qataryna endi.

Nátıjesinde Qazaqstan quramasy Estonııa, Frantsııa, Indonezııa, Izraıl, Meksıka, Mońǵolııa, Slovenııa, Shveıtsarııa jáne Ýkraına sekildi bir qolamen 19-oryndy ózara bólisip tur.

Kósh basynda 3 altyn, 1 qola júldemen Qytaı keledi. Odan keıingi oryndarda Italııa men Japonııa tur.

Tokıo Olımpıadasynyń 24 shildede medal alǵan el quramalarynyń alǵashqy ondyqtaǵy kestesi tómendegishe:

1. Qytaı - 3-0-1

2. Italııa - 1-1-0

2. Japonııa - 1-1-0

4. Ońtústik Koreıa - 1-0-2

5. Ekvador - 1-0-0

5. Vengrııa - 1-0-0

5. Iran - 1-0-0

5. Kosovo - 1-0-0

5. Taıland - 1-0-0

Bıyl dúbirli dodada 33 sport túrinen 339 medal jıyntyǵy sarapqa salynady. Aıtýly alamanǵa jer betindegi 206 memleketten 11 myńnan astam sportshy qatysýda. Qazaqstandyq 97 sportshy kúnshyǵys elinde sporttyń 28 túrinen baq synaıdy.

Eske salsaq, Tokıo Olımpıadasy 23 shildede bastaldy. Ol 8 tamyzda máresine jetedi.

Buǵan deıin Qazaqstan quramasy alty Jazǵy Olımpıadada baq synady. Jalpy alǵanda 21 altyn, 28 kúmis, 64 qola medal aldy.


Avtor Ádiljan Úmbet
Basty sózder: Olımpıada, Sport,
Joǵary qaraı