Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

TOKIO-2020: Qamshybek Qońqabaev shırek fınalǵa ótti

2021 jyldyń 29 shilde 2021 16:08

TOKIO. QazAqparat – Japonııa astanasyndaǵy Olımpıada oıyndarynda +91 kelide judyryqtasatyn Qamshybek Qońqabaev týrnırdegi alǵashqy kezdesýin sátti aıaqtady, dep habarlaıdy QazAqparat tilshisi.

+91 keli salmaqta mysyrlyq boksshy ıÝsrı Rezk Mustafa Hafezdi aıqyn basymdyqpen utqan Qamshybek Qońqabaev Olımpıada oıyndarynyń shırek fınalyna shyqty. Asa aýyr salmaqta synǵa túsip jatqan otandasymyz qarsylasynan úsh raýndta da basym boldy. Ásirese qazaqstandyq boksshynyń sol qolmen urǵan soqqylary qarsylasyna aýyr tıip jatty. Tóreshilerdiń bári biraýyzdan Qamshybek Qońqabaevty jekpe-jektiń jeńimpazy retinde tanydy.

Eske salsaq, búgin sharshy alańǵa shyqqan 75 keli salmaqtaǵy Ábilhan Amanqul da ózbekstandyq qarsylasyn 5:0 esebimen aıqyn jeńip, shırek fınalǵa joldama alǵan bolatyn.

Tartysty jekpek-jektiń birinshi raýndynda tóreshiler jeńisti ózbek boksshysyna bergen. Alaıda, ekinshi raýnda tez jınalǵan Ábilhan qarsylasyn nokdaýnǵa jiberip, kezdesý jeńimpazy atandy.


FOTO: Jeńis Ysqabaı, Qazaqstan UOK
Avtor Esimjan Naqtybaı
Basty sózder: Boks, Olımpıada,
Joǵary qaraı