Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Toqaev: Úkimettiń aldynda Almatynyń kelbetin burynǵydan da jaqsartý mindeti tur

2022 jyldyń 12 qańtar 2022 17:35

NUR-SULTAN. QazAqparat – Búgin Memleket basshysy Qasym-Jomart Toqaev Almatydaǵy jedel shtab otyrysynda osylaı málim etti, dep habarlaıdy QazAqparat.

Jıyn barysynda Prezıdent elimizdiń iri qalasyna jasalǵan terrorıstik shabýyl saldaryn óz kózimen kórý úshin Almatyǵa arnaıy kelgenin aıtty.

Prezıdent Úkimettik komıssııaǵa Almaty qalasynyń ákimdigimen birlese otyryp, ınfraqurylym nysandaryn, onyń ishinde memlekettik, quqyq qorǵaý jáne arnaýly qurylymdardyń ǵımarattaryn, beınebaqylaý júıesin qysqa merzim ishinde qalpyna keltirýdi tapsyrdy.

Sonymen qatar zardap shekken kásipkerlerge qoldaý kórsetiledi.

«Ózderińizge málim, Almaty – meniń týǵan qalam. Osynda dúnıege keldim, oqydym. Aldymyzda qysqa merzim ishinde qalany qalpyna keltirý mindeti tur. Bul – meniń Prezıdent retinde jáne elimizdiń azamaty retinde paryzym. Qalanyń qalpyna keletinine esh kúmán joq. Úkimettiń aldynda qalanyń kelbetin burynǵydan da jaqsartý mindeti tur. Bul - óte úlken jumys», – dedi Qasym-Jomart Toqaev.

Eske sala keteıik, Almatyda Memleket basshysynyń tóraǵalyǵymen jedel shtab otyrysy ótti.

Onda Úkimettik komıssııanyń tóraǵasy, Premer-Mınıstrdiń birinshi orynbasary Roman Sklıar, Almaty qalasynyń ákimi Baqytjan Saǵyntaev, Ulttyq qaýipsizdik komıtetiniń tóraǵasy Ermek Saǵymbaev jáne Іshki ister, Qorǵanys, Tótenshe jaǵdaılar mınıstrleri baıandama jasady.


Joǵary qaraı