Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Toqaev TMD-da ónerkásip keshenin damytýdyń jańa baǵdarlamasyn ázirleýdi usyndy

2021 jyldyń 15 qazan 2021 15:57

NUR-SULTAN. QazAqparat – Táýelsiz Memleketter Dostastyǵy elderi ónerkásip keshenin damytýdyń jańa baǵdarlamasyn ázirleýi kerek. Bul týraly TMD uıymyna múshe memleketter basshylary keńesiniń kezekti otyrysynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«TMD elderiniń ónerkásiptik kooperatsııasyn keńeıtýge, onyń ishinde birlesken kásiporyndar qurýǵa, sharýashylyq sýbektileriniń óndiristik baılanystylyǵy men tıimdi yntymaqtastyǵyn qamtamasyz etýge negizgi nazar aýdarý qajet. Bul úshin keminde 2025 jylǵa deıin qoldaýdyń naqty tetikteri men quraldary bar ónerkásip keshenin damytýdyń jańa baǵdarlamasyn ázirleýdi usynamyz», - dedi Qasym-Jomart Toqaev.

QR Prezıdentiniń atap ótýinshe, saýda-ınvestıtsııalyq qyzmetti nyǵaıtýda saýda qyzmetteri týraly kelisimge qol qoıý da qosymsha múmkindikter ashady.

«Sonymen qatar biz osynaý mańyzdy qujatty kelisý protsesin jedeldetý qajet dep sanaımyn. Sonymen qatar ortaq agrarlyq naryq qurý máselesi de ótekti dep sanaımyz. Aýyl sharýashylyǵy sektoryndaǵy kooperatsııany tereńdetý azyq-túlik qaýipsizdigin qamtamasyz etýge, ınfraqurylymdardy damytýǵa, ınnovatsııalyq jobalardy júzege asyrýǵa baǵyttalýy tıis. Osy turǵydan alǵanda TMD memleketteriniń azyq-túlik júıesiniń ózara is-qımylyn damytý strategııasyn ázirleý bizdiń ortaq múddemizge jaýap bere alar edi», - dedi Memleket basshysy.


Joǵary qaraı