Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Toqaev qos azamattyǵy bar memqyzmetshilerge qatysty: Buǵan jol berýge bolmaıdy

2021 jyldyń 25 aqpan 2021 13:05

NUR-SULTAN. QazAqparat – Qos azamattyǵy bar memlekettik qyzmetshilerge jazany qatańdatý qajet sııaqty. Bul týraly Ulttyq qoǵamdyq senim keńesiniń 5-otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Qazaqstan qos azamattyqqa tyıym salynǵan kóptegen elderdiń tobyna kiredi. Tıisti norma Konstıtýtsııamyzda da bar. Degenmen, sońǵy ýaqytta tipti memlekettik qyzmetshilerde qos azamattyqtyń bar ekendigi týraly faktilerdi jıi tirkep júrmiz. Buǵan belgili sebeptermen jol berýge bolmaıdy. Bul óte baıypty másele. Óıtkeni, ulttyq qaýipsizdigimizge qatysty. Mundaı faktilerdiń jolyn kesý qajet», - dedi Qazaqstan Prezıdenti.

Memleket basshysy ótken jylǵy Qazaqstan halqyna Joldaýynda qos azamattyǵy bar memlekettik qyzmetshilerdi, kvazımemlekettik uıymdardyń basshylaryn laýazymdy qyzmetinen bosatý týraly tapsyrma bergendigin eske salyp ótti.

«Úkimet pen Memlekettik qyzmet isteri jónindegi agenttikte atqarylǵan jumystyń nátıjeleri týraly baıandaýdy ótinemin. Mundaı zań buzýshylyqtar úshin jaýapkershilikti munan da qatańdatý talap etiletin sııaqty», - dedi Qasym-Jomart Toqaev.


Joǵary qaraı