Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Toqaev Qazaqstan ınvestıtsııa tartýǵa múddeli salalardy atady

2022 jyldyń 27 qańtar 2022 18:34

NUR-SULTAN. QazAqparat – QR Prezıdenti Qasym-Jomart Toqaev elimiz ınvestıtsııa tartýǵa múddeli salalardy atady, dep habarlaıdy QazAqparat tilshisi.

«Bizdiń memleketti damytýdyń basty faktorlarynyń biri - ózara ınvestıtsııa kólemin arttyrý. Qazaqstan aldaǵy ýaqytta da barlyq ınvestıtsııalyq mindettemelerin múltiksiz ári tolyq kólemde oryndaı beretindigin erekshe atap ótkim keledi. Jalpy, «Jańa Qazaqstan» tujyrymdamasyna negiz bolǵan ınvestıtsııalyq ahýaldy jaqsartý bizdiń ekonomıkalyq saıasatymyzdyń quramdasynyń biri sanalady», - dep atap ótti Qasym-Jomart Toqaev «Úndistan – Ortalyq Azııa» sammıti barysynda.

Memleket basshysy Qazaqstan taý-ken metallýrgııa kesheni, aýyl sharýashylyǵy, jasyl energetıka, densaýlyq saqtaý, farmatsevtıka sektory syndy keleshegi bar baǵyttarǵa ınvestıtsııa tartýǵa múddelik tanytatyndyǵyn basa aıtty.

«Birlesken jobalardy júzege asyrý úshin seriktesterimizge ózin jaqsy qyrynan kórsete bilgen «Astana» halyqaralyq qarjy ortalyǵy platformasyn usynýǵa daıynbyz. Atalǵan ortalyq aǵylshyn quqyǵy negizde jumys isteıdi jáne álemdik standarttarǵa jaýap beredi», - dedi QR Prezıdenti.


Joǵary qaraı