Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Toqaev Eýropa keńesiniń basshysy Sharl Mıshelmen eldegi jaǵdaıdy talqylady

2022 jyldyń 10 qańtar 2022 20:40

NUR-SULTAN. QazAqparat - Qazaqstan Prezıdenti Qasym-Jomart Toqaev Eýropa Keńesiniń prezıdenti Sharl Mıshelmen eldegi jaǵdaıdy talqylady, dep habarlaıdy QazAqparat.

Bul jaıynda Memleket basshysy óziniń Twitter paraqshasynda málim etti.

«Sharl Mıshelmen paıdaly áńgime-dúken qurdyq. Qazaqstandaǵy jaǵdaı týraly málimetterdi jańarttyq. Biz memlekettigimizge qarsy buryn-sońdy bolmaǵan agressııa aktisine tap boldyq jáne elde konstıtýtsııalyq tártip pen zańdylyqty qalpyna keltirý úshin jedel sharalar qabyldadyq» dep jazdy Qasym-Jomart Toqaev.

Aıta keteıik, búgin UQShU Ujymdyq qaýipsizdik keńesiniń kezekten tys sessııasy ótti. Jıyn Qazaqstan tarapynyń bastamasymen shaqyryldy.

Eske salaıyq , QR Prezıdenti Qasym-Jomart Toqaev UQShU múshe elderdiń basshylarynan el aýmaǵyndaǵy terrorıstik qaýipti eńserý úshin Qazaqstanǵa kómek kórsetýdi suraǵan bolatyn.

10 qańtar kúni QR Qorǵanys mınıstrligi men UQShU Ujymdyq bitimgershilik kúshter qolbasshylyǵy málimdeme jasady .

Búgin QR Memlekettik hatshysy Erlan Qarın Mańǵystaý oblysynda UQShU áskeri ornalasqan degen aqparatty joqqa shyǵardy .

Onyń aıtýynsha, UQShU áskeri daǵdarys aıaqtalǵannan keıin eline qaıtady.


Joǵary qaraı