Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Toqaev tsıfrlandyrý isine jaýapty vıtse-mınıstrler jumysyn synǵa aldy

2021 jyldyń 27 qazan 2021 20:45

NUR-CULTAN. QazAqparat - Dástúrli «Digital Bridge» halyqaralyq tehnologııalyq forýmynda Memleket basshysyPrezıdent Qasym-Jomart Toqaev tsıfrlandyrý isine jaýapty vıtse-mınıstrler jumysynyń nátıjeliligin synǵa aldy, dep habarlaıdy QazAqparat.

Memleket basshysynyń aıtýynsha, olardyń basty mindeti –kúndelikti bıýrokratııalyq jumys emes, tsıfrlyq reformalar men ózgeristerdi júzege asyrý. Osyǵan baılanysty Prezıdent jyl sońyna deıin tsıfrlandyrýǵa jaýapty árbir vıtse-mınıstr úshin naqty KPI ázirleýdi talap etti jáne Premer-Mınıstrge olardyń qyzmetine qatysty ustanymdy qaıta qaraýdy, kadrlyq quramyna baǵa berýdi tapsyrdy.

Qasym-Jomart Toqaevtyń pikirinshe, bıznes-qoǵamdastyq atsalyspaı, jalpymemlekettik «tsıfrlyq sekiris» jasaý múmkin emes, al kompanııalardyń básekege qabilettiligi olardyń tsıfrlandyrylý deńgeıimen anyqtalady.

«Siemens» kompanııasynyń baǵalaýy boıynsha, otandyq ónerkásiptik kásiporyndardyń 80 paıyzynda avtomattandyrý deńgeıi óte tómen, ıaǵnı Indýstrııa 2.0 deńgeıinde. Esterińizge sala keteıin, biz Indýstrııa 4.0 dáýirinde ómir súrip jatyrmyz. Bul – asa aýqymdy másele. Onyń talaptaryna tujyrymdamalyq jaǵynan da, praktıkalyq turǵydan da naqty ári laıyqty jaýap berý kerek. Tsıfrlyq sheshimderdi qoldaýdyń tıimdi quraldaryn, eń aldymen, óńdeý sektorynda keńeıtý kerek», – dedi Memleket basshysy.

Eske salsaq, Memleket basshysy Qasym-Jomart Toqaev «Digital Era Lifestyle» taqyrybynda ótken dástúrli «Digital Bridge» halyqaralyq tehnologııalyq forýmyna qatysty.
Joǵary qaraı