Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Toqaev Bas prokýratýraǵa alaıaqtarmen kúresti kúsheıtýdi tapsyrdy

2022 jyldyń 19 mamyr 2022 18:24

NUR-SULTAN. QazAqparat – Memleket basshysy Qasym-Jomart Toqaev Bas prokýratýraǵa alaıaqtarmen kúresti kúsheıtýdi tapsyrdy, dep habarlaıdy QazAqparat tilshisi.

«Qazir quqyq qorǵaý organdarynyń jumysyna synı pikir kóp aıtylatynyn bilemin. Tártip ornatý kezinde úırenshikti tásilge salý saldarynan parasatty bızneske kesiri tıetin kezder bolýy múmkin. Sondyqtan ashyq túrde málimdeımin: «taýdan sel júrse, etektegi tasty ala ketedi» degen támsilge salýǵa jol joq», - dedi Memleket basshysy kásipkerlermen kezdesýde.

Onyń aıtýynsha, osyndaı faktiler bolsa, ár is boıynsha arnaıy tekserý sharalary júredi, bilikti baǵa beriledi.

«2019 jyly óz Joldaýymda bıznestiń jumysyna zańsyz kedergi keltirý - memleket múddesine qaıshy qylmys retinde qaralýy kerektigin aıtqanmyn. Bul - Bas prokýratýranyń jumysy. Kúres alaıaqtarmen júrýi kerek. Qaıtalap aıtamyn, alaıaqtarmen, aferıstermen kúresý kerek. Biraq «dári dep bergeni ýdan beter bolýyna» jol berýge bolmaıdy», - dedi Prezıdent.

Aıta keteıik, Qasym-Jomart Toqaev Aqordada otandyq bıznes ókilderimen kezdesip jatyr.


Joǵary qaraı