Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Toqaev 2022 jyldy TMD-nyń halyq shyǵarmashylyǵy jáne mádenı murasy jyly dep jarııalady

2021 jyldyń 15 qazan 2021 16:15

NUR-SULTAN. QazAqparat – 2022 jyl Qazaqstanda TMD-nyń halyq shyǵarmashylyǵy jáne mádenı murasy jyly dep jarııalandy. Bul týraly TMD uıymyna múshe memleketter basshylary keńesiniń kezekti otyrysynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Mádenı-gýmanıtarlyq ólshemder dástúrli túrde tarıhı baılanystardy saqtaý men halyqtarymyzdy munan ary da jaqyndata túsýde mańyzdy rólge ıe. Osyǵan oraı biz kelesi jyldy TMD-nyń halyq shyǵarmashylyǵy jáne mádenı murasy jyly dep jarııaladyq. Ony ótkizý jospary tarıhı balanystardy saqtaýǵa, mádenıet, týrızm men sport salalaryndaǵy ózara is-qımyldy nyǵaıtýǵa baǵyttalǵan shamamen 100 is-sharany qamtıdy», - dedi Qasym-Jomart Toqaev.

QR Prezıdentiniń atap ótýinshe, bul saladaǵy yntymaqtastyqty tereńdete túsýge buǵan deıin qabyldanǵan baǵdarlamalyq qujattar septigin tıgize alady. Olardyń qatarynda jastar yntymaqtastyǵy, týrızm, dene shynyqtyrý jáne sport salalaryna qatysty strategııalar bar.

«Osy múmkindikti paıdalana otyryp, Moldova halqyn Komrat qalasyn 2023 jylǵy TMD-nyń mádenı astanasy bolyp tańdalýymen quttyqtaımyn», - dedi Memleket basshysy.


Joǵary qaraı