Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

TMD elderi arasyndaǵy salyq saıasaty kelisiminiń kúshi joıylady – Zań

2022 jyldyń 19 mamyr 2022 10:42

NUR-SULTAN. QazAqparat – Senatta TMD elderi arasyndaǵy salyq saıasatynyń prıntsıpteri týraly kelisimniń kúshin joıý hattamasy ratıfıkatsııalandy, dep habarlaıdy QazAqparat tilshisi.

QR Qarjy mınıstri Erulan Jamaýbaevtyń aıtýynsha, hattamanyń negizi maqsaty – TMD-ǵa qatysýshy memleketter tarapynan kelisimniń qoldanys merzimin uzartý týraly ótinimniń bolmaýyna, sondaı-aq onyń erejeleri qazirgi ýaqyt talaptaryna sáıkes kelmeýine baılanysty kúshin joıý.

«1992 jyly 13 naýryzda TMD-ǵa qatysýshy 9 memleket úkimetteri kelisimge qol qoıǵan bolatyn. Kelisim normalaryna sáıkes, taraptar salyq salý qaǵıdattary men erejelerin birizdendirý negizinde kelisilgen salyq saıasatyn júrgizýge jáne dostastyqqa kiretin barlyq memleketterdiń múddesin qorǵaıtyn negizgi salyqtardyń biryńǵaı tizbesin qoldanýǵa kelisken bolatyn. Degenmen, kelisimdi tek tórt memleket ratıfıkatsııalady. Kelisimge qatysýshy bes memleket onyń kúshine enýine qajetti memleketishilik rásimderdi aıaqtaǵan joq», - dedi E. Jamaýbaev Senattyń jalpy otyrysynda.

2017 jyly 8 qyrkúıekte Sholpan Ata qalasynda TMD qatysýshy memleketterdiń salyq qyzmeti basshylarynyń úılestirý keńisiniń otyrysynda kelisimdi toqtatýdyń oryndy ekeni týraly sheshim qabyldanǵan. Sóıtip, 2021 jylǵy 4 naýryzda kelisimniń qoldanysyn toqtatý týraly hattamaǵa qol qoıyldy.

«Búginde salyq qyzmetteriniń shetel memleketterimen, onyń ishinde TMD elderimen ózara is-qımyly birneshe halyqaralyq sharttar negizinde júrgiziledi. Eń aldymen, salyq qyzmetteri arasyndaǵy salyq isteri boıynsha ózara ákimshilik kómek týraly konventsııa bar. Ekinshiden, QR shet memlekettermen jasasqan qosarlanǵan salyq salýdy boldyrmaý jáne tabys pen kapıtalǵa salyq tóleýden jaltarýǵa jol bermeý týraly konventsııalar, búginde Qazaqstan 55 konventsııaǵa qol qoıǵan», - dedi mınıstr.

Atalǵan hattamany ratıfıkatsııalaý Qazaqstan úshin áleýmettik-ekonomıkalyq jáne quqyqtyq saldarǵa ákep soqtyrmaıdy jáne respýblıkalyq bıýdjetten qarjy bólýdi talap etpeıdi.

Nátıjesinde Senat depýtattary «1992 jylǵy 13 naýryzdaǵy Salyq saıasatynyń kelisilgen prıntsıpteri týraly TMD qatysýshy memleketter úkimetteri arasyndaǵy kelisimniń qoldanysyn toqtatý týraly hattamany ratıfıkatsııalaý týraly» Zań jobasyn qabyldady.


Joǵary qaraı