Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

TiJi telearnasynyń keıipkerleri qazaq tilinde sóıleı bastady

2022 jyldyń 18 mamyr 2022 01:37

NUR-SULTAN. QazAqparat – Frantsııanyń «TiJi» balalar telearnasynyń keıipkerleri qazaq tilinde sóıleı bastady, dep habarlaıdy QazAqparat.

Seısenbi kúni QR Aqparat jáne qoǵamdyq damý mınıstri Asqar Ýmarovtyń qatysýymen «TiJi» balalar telarnasynyń qazaq tilindegi aýdıojolaǵynyń tanystyrylymy ótti. Bul jobanyń júzege asyrylýyna 2021 jyly Aıda Balaeva bastamashylyq etken bolatyn.





Sharaǵa «Groupe M6» kompanııasynyń telearnalar men radıostantsııalar portfelin halyqaralyq dıstrıbýtsııalaý jónindegi dırektory Jan-Rene Okýtıýre, «Ltı Vostok» JShS bas dırektory, Halyqaralyq dıstrıbýtsııa jónindegi dırektor Marııa Jabına-Pantelık jáne Qazaqstan Respýblıkasyndaǵy Frantsııa elshiliginiń keńesshisi Aleks Bortolan qatysty.

QR Aqparat jáne qoǵamdyq damý mınıstrliginiń baspasóz qyzmetinen málim etkendeı, balalar televızııalyq kontentin óndirýshilerdi tańdaý kezinde balalar telearnalarynyń osyndaı jobalardy iske asyrýdaǵy tájirıbesi jáne habar taratý tilderiniń sany eskerilgen. Máselen, «TiJi» arnasynyń 20 elde 14 túrli tilde habar taratý tájirıbesi bar. Telearnanyń negizgi mıssııasy – 2 jastan 7 jasqa deıingi balalar úshin qaýipsiz aqparattyq keńistikti qamtamasyz etý.





Kezdesýde Asqar Ýmarov Memleket basshysy Qasym-Jomart Toqaevtyń 2022 jyldy Balalar jyly dep jarııalaǵanyn atap ótip:

«Qazirgi aqparattyq ǵasyrda balalardyń qarym-qatynas ortasyn qalyptastyrýda mýltfılmderdiń yqpaly zor. Osyǵan baılanysty Mınıstrlik álemge tanymal mýltıplıkatsııalyq balalar arnalaryn qazaq tiline aýdarý boıynsha aýqymdy jobany iske asyrýda. Bul balalardyń memlekettik tilge degen qyzyǵýshylyǵyn arttyrýǵa, sondaı-aq óskeleń urpaqty tárbıeleýge septigin tıgizetinine senimdimin», - dedi vedomstvo basshysy.

Óz kezeginde Jan-Rene Okýtıýre qazaq tiliniń shuraılyǵyn atap ótti.

«Qazaq tili – óte baı til. Ony nasıhattaý maqsatynda qazaqstandyq balalar úshin arna qurýǵa jáne qazaq balalaryna olardyń memlekettik tiliniń damýyna yqpal etetin oıyn-saýyq jáne bilim berý kontentin qalyptastyrý boıynsha birlesken bul joba – bizdi osynaý ıgi iske yntalandyrdy», -dedi Jan-Rene Okýtıýre.

Búgingi tańda qazaq tilindegi «TiJi» aýdıojolaǵy tómendegi operatorlarda qoljetimdi: Alma TV, TV Commerce, Qazaqtelekom, Fermata PRK, Qaınar Medıa (Taldyqorǵan qalasy), Teralaın (Nur-Sultan qalasy), TTK (Temirtaý qalasy).





Basty sózder: BAQ,
Joǵary qaraı