Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Terrorıster basyp aldy: Óskemen turǵyny polıtsııaǵa jalǵan habar bergen

2021 jyldyń 23 qazan 2021 15:25

ÓSKEMEN. QazAqparat - Óskemen qalasynda polıtsııaǵa jalǵan habar bergen er adam jaýapqa tartyldy, dep habarlaıdy QazAqparat tilshisi.

Qalalyq polıtsııa basqarmasy baspasóz qyzmetiniń málimetine súıensek, «102» jedel arnasyna jergilikti turǵyn qońyraý shalǵan. Óz sózinde ol shahardaǵy ǵımarattardyń birin terrorıster basyp alǵanyn jetkizdi.

Oqıǵa ornyna tártip saqshylary jedel kelip jetken. Alaıda bul habar shyndyqqa janaspaıtyn bolyp shyqty. Polıtsııa qyzmetkerleri qońyraý shalǵan adamdy birden anyqtaǵan. Ol Óskemenniń 35 jastaǵy turǵyny bolyp shyqty.

- Er adam mas bolǵandyqtan jáne ózine nazar aýdarý úshin qońyraý shalǵanyn aıtty. Oǵan qatysty arnaıy qyzmetterdi kórineý jalǵan shaqyrǵany úshin QR ÁQBtK-niń 438-baby boıynsha is qozǵalyp, 30 aılyq eseptik kórsetkish mólsherinde aıyppul salyndy, - dedi basqarma bastyǵy Andreı Mýla.


Joǵary qaraı