Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tergeýde quqyq buzý derekteri boıynsha 109 shaǵym tústi – Bas prokýratýra

2022 jyldyń 25 qańtar 2022 19:48

NUR-SULTAN. QazAqparat – Tergeý barysynda azamattardyń quqyqtaryn buzý derekteri boıynsha 109 shaǵym tústi. Bul týraly búgin Ortalyq kommýnıkatsııalar qyzmetinde QR Bas prokýratýrasy birinshi qyzmet basshysynyń orynbasary Eldos Qılymjanov málim etti, dep habarlaıdy QazAqparat tilshisi.

«Aldynda kórsetilgendeı, prokýratýra organdary qaıǵyly oqıǵalardy tergeý kezinde zańdylyqtyń saqtalýyn qamtamasyz etedi. Búginge, prokýratýra organdaryna tyıym salynǵan tergeý ádisterine jáne quqyq qorǵaý organdary qyzmetkerleriniń tergeý barysynda azamattardyń quqyqtaryn buzý derekteri boıynsha 109 shaǵym tústi. Bılikti jáne laýazymdyq ókilettikterdi asyra paıdalaný týraly 11 shaǵym boıynsha prokýrorlarmen sotqa deıingi tergep-tekserýler bastaldy, al qylmystyq qýdalaý organdary prokýratýranyń nusqaýymen 10 qylmystyq isti tirkedi», - dedi E. Qılymjanov.

Onyń aıtýynsha, qazirgi kezde 21 qylmystyq is óndiriste, olardyń ishinen 20-sy sybaılas jemqorlyqqa qarsy qyzmetkerlerimen jáne bireýi arnaıy prokýrorlarmen tergelýde.

«43 aryz boıynsha tekserýler jalǵasýda, 22-si óz dálelin tappady. Esterińizge sala keteıik, quqyq qorǵaý organdary qyzmetkerleriniń is-áreketterine jedel shara qoldaý maqsatynda elimizdiń barlyq óńirlerinde arnaıy mobıldi toptar qurylǵan. Kezekshi prokýrorlardyń barlyq baılanys telefondary «prokuror.gov.kz» resmı saıtynda ornalastyryldy», - dedi Bas prokýratýra ókili.

Onyń sózine qaraǵanda,prokýratýra organdary halyq arasynda kóz jumǵandardyń qaza bolý mán-jaılaryn anyqtaý jumystaryn jalǵastyrýda. Ár jaǵdaı boıynsha ólimniń sebepteri tolyq zerdelenip jatyr.

Budan buryn habarlanǵandaı, qańtar oqıǵalaryna baılanysty 9 257 ákimshilik isti qaraldy.


Joǵary qaraı