Aýa raıy
Astana 12 °S
Almaty 14 °S
valıýta baǵamy
USD 412.55
EUR 468.66
RUB 5.79
CNY 58.80

Tereńózekte un óndirý kombınaty iske qosylady

2020 jyldyń 13 tamyz 2020 01:40

QYZYLORDA. QazAqparat - Qyzylorda oblysy Syrdarııa aýdanynyń ortalyǵy - Tereńózek kentinde «Un óndirý kombınatyn iske qosý» jobasy qolǵa alynyp otyr, dep habarlaıdy QazAqparat tilshisi.

Bul ınvestıtsııalyq joba Qyzylorda oblysynyń 2023 jylǵa deıingi ekonomıkalyq damý josparynda bekitilgen. Bul aýdanda kásipkerlik salasyn damytýǵa oń septigin tıgizedi.

Oǵan «Aqqum Jer» JShS ınvestor retinde tanylǵan. Jobanyń quny - 80 mln teńge. Kombınattyń qýattylyǵy – táýligine 60 tonna un óndirý. Joba aıasynda 15 adam eńbekpen qamtylady dep josparlanyp otyr. Qazir Túrkııadan óndiris kombınatyna qajetti qural-jabdyqtar alynǵan. Ony iske qosý baǵytynda tıisti jumystar júrgizilýde.

«Aqqum Jer» JShS - aımaqtyń agrarlyq salasyndaǵy irgeli qurylymnyń biri. Seriktestik Jalaǵash aýdanynda negizinen kúrish ósirý baǵytynda jumys atqarady.


Joǵary qaraı