Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tereńkól aýdanynda qus tumaýyna baılanysty karantın engizildi - Pavlodar oblysy

2021 jyldyń 11 qazan 2021 23:38

PAVLODAR. QazAqparat - Respýblıkalyq epızootııaǵa qarsy toptyń mamandary Tereńkól aýdanynda qus tumaýynyń shyǵýyna baılanysty ınfektsııanyń taralýyn boldyrmaý úshin jumys júrgizýde, dep habarlaıdy QazAqparat Pavlodarnews.kz-ke silteme jasap.

Oblystyq veterınarııa basqarmasynyń málimdeýinshe, 3 qazanda Berezovka aýylynyń turǵyny Voskresenskıı aýyldyq okrýginiń veterınarlyq pýnktiniń meńgerýshisine habarlasyp, 1 qazannan 3 qazanǵa deıin belgisiz sebeptermen 42 qaz ólgeni týraly habarlaǵan.

- 4 qazanda qustyń ólý faktisi boıynsha veterınarııa basqarmasy men aýmaqtyq ınspektsııa ókilderi Berezovkaǵa baryp, ólgen qazdardan patologııalyq materıaldar aldy. Synamalar qus tumaýyna tekserý úshin Nur-Sultandaǵy Ulttyq veterınarııanyń referenttik ortalyǵyna jiberildi. Óıtkeni aýladaǵy qustarda bul ınfektsııanyń syrtqy klınıkalyq belgileri bolǵan, - dedi basqarmada.

​8 qazanda saraptama joǵary patogendi qus tumaýynyń dıagnozyn rastady. Sondyqtan aýrýdyń oshaǵyna karantın engizildi. Qustardyń óleksesi mal qorymynda órteý arqyly joıyldy.
Berezovka aýylynda 85 úı bar. Olardyń 36-sy úı qustaryn ustaıdy. Barlyǵy 1106 bas: onyń ishinde 620 taýyq, 186 úırek, 300 qaz bar.
Boljam boıynsha ınfektsııa kózi - jabaıy qustar. Sebebi, qustar ólerden birneshe kún buryn qus qorada kógershinderdiń óleksesi tabylǵan.
11 qazannan bastap aýylda «Respýblıkalyq epızootııaǵa qarsy top» RMK kómegimen joǵary patogendi qus tumaýyn joıý boıynsha jumys júrgizilýde. Ielerine ólgen jáne ustalǵan qustardyń quny óteledi.

Basty sózder: Qus tumaýy, Pavlodar oblysy,
Joǵary qaraı