Aýa raıy
Astana -3 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Tennısten Rolan Garros týrnıri: Dmıtrıı Popko irikteý kezeńiniń fınalyna ótti

2020 jyldyń 23 qyrkúıek 2020 19:54

NUR-SULTAN. QazAqparat – Qazaqstandyq Dmıtrıı Popko Rolan Garros týrnıri irikteý saıystarynyń fınalyna ótti, dep habarlaıdy QazAqparat tilshisi.

Dúınejúzilik reıtıngte 170-orynda turǵan D.Popko irikteý dodasynyń jartylaı fınalynda álemniń 137-raketkasy, germanııalyq Oskar Ottemen kezdesti.

Birinshi partııada qazaqstandyq tennısshi 7:5 esebimen basym tústi.

Ekinshi set taı-breıkke ulasyp, onda da D.Popko ábjildik tanytty – 7:6 (7:5).

Tartysty báseke 2 saǵat 5 mınýtqa sozyldy.

D.Popko irikteý saıystarynyń fınalynda reıtıngte 155-satydaǵy ekvadorlyq Emılıo Gomespen kúsh synasady. Ony jeńse, 27 qyrkúıek kúni bastalatyn negizgi týrnırge joldama alady.

Eske sala keteıik, budan buryn Z.Dııastyń Strasbýrg týrnıriniń shırek fınalyna shyǵa almaǵanyn jazǵan bolatynbyz.


Avtor Eljan Eraly
Basty sózder: Sport,
Joǵary qaraı