Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennısten Indıan-Ýells týrnıriniń fınaly: Rybakına juptyq synda jeńilip qaldy

2021 jyldyń 17 qazan 2021 01:57

NUR-SULTAN. QazAqparat – Qazaqstannyń birinshi, álemniń 16-raketkasy Elena Rybakına juptyq synda Indıan-Ýells (AQSh) WTA 1000 týrnıriniń fınalynda jeńilip qaldy, dep habarlaıdy QazAqparat tilshisi.

E.Rybakına reseılik Veronıka Kýdermetovamen birge fınalda osy jarystyń 2-raketkalary, taıbeılik Se Shýveı – belgııalyq Elıza Mertenspen bas júldeni sarapqa saldy.

Birinshi partııada qarsylastar qos-qostan breık jasap, taı-breıkte tájirıbeli taıbeılik-belgııalyq jup ábjildik tanytty – 7:6 (7:1).

Ekinshi sette qazaqstandyq-reseılik jup breıkpen alǵa shyqqanymen, qarsylastary sol boıda teńestirdi – 2:2. Aqyry olar jeńisti julyp áketti – 6:3.

Saǵat jarymnan astam ýaqytqa sozylǵan fınaldyq matchta E.Rybakına men V.Kýdermetova 2 eıs jasap, 9 breık-poınttyń tórteýin paıdalandy. Jarys jeńimpazdary 4 eıs, 5 breıkke (10 breık-poınt) qol jetkizdi.

E.Rybakına juptyq osyndaı joǵary deńgeıdegi dodanyń alǵash ret fınalyna deıin jetti.

Eske sala keteıik, budan buryn Elena Rybakınanyń juptyq synda Indıan-Ýells jarysynyń fınalyna shyqqanyn, qazaqstandyq jas tennısshiniń halyqaralyq týrnırdiń fınalynda oınaıtynyn jazǵan bolatynbyz.


Avtor Eljan Eraly
Basty sózder: Sport, Qoǵam,
Joǵary qaraı