Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennısten Devıs kýbogy: Qazaqstan quramasy Norvegııamen kezdesedi

2021 jyldyń 5 jeltoqsan 2021 22:57

NUR-SULTAN. QazAqparat – Tennısten 2022 jylǵy Devıs kýbogy (álem chempıonaty) irikteý kezeńiniń jerebesi tartyldy, dep habarlaıdy QazAqparat tilshisi.

Qazaqstan tennıs federatsııasy málim etkenindeı, qazaqstandyqtar fınaldyq kezeńge joldama alý úshin Norvegııamen kúsh synasady.

Match aldaǵy jyly 4-5 naýryz kúnderi Norvegııada ótedi.

Devıs kýbogynyń irikteý matchtary tórt jekeleı jáne bir juptyq básekeden turady jáne úsh settik formatta ótedi.

Fınalǵa irikteý kezeńinde úzdik atanǵan 12 komanda joldama alady. Olarǵa bıylǵy Devıs kýbogynyń fınalısteri – Reseı men Horvatııa qosylady. Sondaı-aq Ulybrıtanııa men Serbııa quramalary arnaıy shaqyrtýmen barady.

Bıyl Madrıdte Qazaqstan quramasy shırek fınalǵa deıin jetip, Serbııaǵa ese jibergen edi.

Eske sala keteıik, budan buryn 14 jasar Zara Dárkenniń Eýropada úzdik sheteldik oıynshy atanǵanyn jazǵan bolatynbyz.

Sondaı-aq qazaqstandyq tennısshiler Túrkııa men Norvegııada ótken týrnırde jeńimpaz atandy.






Avtor Eljan Eraly
Basty sózder: Sport,
Joǵary qaraı