Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennısten Devıs kýbogy: Qazaqstan Kanadany úshinshi kezdesýinde de utty

2021 jyldyń 28 qarasha 2021 23:17

MADRID. QazAqparat - Madrıdte Devıs kýbogy fınaldyq kezeńiniń toptyq básekesinde Qazaqstan quramasy Kanadany úshinshi kezdesýinde de utty, dep habarlaıdy QazAqparat tilshisi.

Buǵan deıin Mıhaıl Kýkýshkın men Aleksandr Býblık jekeleı synda qarsylastaryn qapy qaldyryp, Qazaqstan merziminen buryn shırek fınalǵa joldama alǵan edi.

Sońǵy báseke juptyq synda Andreı Golýbev - Aleksandr Nedovesov jáne Kanada tarapynan Peter Polanskı - Breıden Shnýr arasynda ótti.

Birinshi partııada breık jasaǵan qazaqstandyq jup basymdylyq kórsetti - 6:4.

Ekinshi sette taı-breıkte kanadalyqtar sátti oınady - 7:6 (8:6).

Úshinshi, sheshýshi partııada qazaqstandyqtar bet qaratpady - 6:1.

Osylaısha Qazaqstan quramasy Kanadany 3:0 esebimen tize búktirdi.

Qazaqstandyqtardyń shırek fınaldaǵy qarsylasy keıin belgili bolady.

Eske sala keteıik, budan buryn Qazaqstan - Kanada matchyn Mıhaıl Kýkýshkınniń jeńispen bastaǵanyn , qazaqstandyqtardyń shırek fınalǵa shyqqanyn jazǵan bolatynbyz.


Avtor Eljan Eraly
Basty sózder: Sport, Qoǵam,
Joǵary qaraı