Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tennısshi Andreı Golýbev álemdik reıtıngide rekordtyq nátıjege qol jetkizdi

2022 jyldyń 16 mamyr 2022 13:50

NUR-SULTAN. QazAqparat – Qazaqstandyq tennısshi Andreı Golýbev álemdik reıtıngide rekordtyq nátıjege qol jetkizdi, dep habarlaıdy QazAqparat tilshisi.

Qazaqstan tennıs federatsııasy málim etkenindeı, Rım masters týrnıriniń jartylaı fınalyna deıin jetken A.Golýbev búgin jańartylǵan dúnıejúzilik reıtıngte juptyq synda 21-orynǵa kóterildi. Bul – onyń sporttyq jolyndaǵy eń úzdik kórsetkishi.

Aleksandr Nedovesov 60-satyda qalsa, Grıgorıı Lomakın 244-orynǵa shyqty.

Qazaqstannyń jekeleı syndaǵy birinshi raketkasy Aleksandr Býblık 41-ornynda qalsa, Mıhaıl Kýkýshkın 165-satyda tur. Dmıtrıı Popko 182-den 180-ge, Tımofeı Skatov 193-ten 191-ge joǵarylady. Beıbit Jýkaev 491-inshi, Dostanbek Tashbolatov 908-orynda keledi.

Qazaqstannyń áıelder arasyndaǵy birinshi raketkasy Elena Rybakına 17-den 16-ǵa, ıÝlııa Pýtıntseva 40-tan 37-ge, Zarına Dııas 134-ten 131-ge kóterildi.

Juptyq synda Anna Danılına 20-synshy, Jibek Qulambaeva 300-inshi, Gózal Aınıtdınova 438-satyǵa jaıǵasty.

Qazaqstandyq tennısshiler Rolan Garros jarysynda sátti óner kórsetse, óz reıtıngterin jaqsarta alady.

Búgin irikteý saıysynda Zarına Dııas reseılik Anastasııa Gasanova, Dmıtrıı Popko argentınalyq Hýan Ignasıo Londero, Tımofeı Skatov amerıkalyq Mıtchell Krıýgermen oınaıdy.

Eske sala keteıik, budan buryn Shymkentte tennısten chellendjer týrnıriniń bastalǵanyn, Rolan Garros jarysyna qazaqstandyqtardan kimderdiń qatysatyny anyqtalǵanyn jazǵan bolatynbyz.

Sondaı-aq qazaqstandyq tennısshi Marokkodaǵy týrnırdiń shırek fınalyna shyqty.



Avtor Eljan Eraly
Basty sózder: Sport, Qoǵam,
Joǵary qaraı