Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Jibek Qulambaeva Qaraǵandydaǵy týrnırdiń chempıony atandy

2021 jyldyń 24 qazan 2021 18:20

NUR-SULTAN. QazAqparat – Qazaqstandyq Jibek Qulambaeva juptyq synda Qaraǵandyda alǵash ret ótken ITF W25 týrnıriniń chempıony atandy, dep habarlaıdy QazAqparat tilshisi.

J.Qulambaeva polıak qyzy Martına Kýbkamen birge fınalda serbııalyq Tamara Kýrovıch – estonııalyq Elena Malygınamen bas júldeni sarapqa saldy.

Qazaqstandyq-polshalyq jup 7:5, 6:4 esebimen jeńiske jetti.

Bul – J.Qulambaevanyń óziniń sporttyq jolyndaǵy ITF W25 deńgeıindegi birinshi tabysy.

Qaraǵandyda jekeleı synda Belarýs ókili ıÝlııa Gotovko úzdik shyqty. Ol sońǵy básekede reseılik Ekaterına Kazıonovany 7:5, 6:0 esebimen tize búktirdi.

Eske sala keteıik, budan buryn qazaqstandyq tennısshiniń elordadaǵy jarystyń jeńimpazy atanǵanyn, Zarına Dııastyń AQSh-taǵy týrnırdiń fınalyna shyqqanyn jazǵan bolatynbyz.


Foto: ktf.kz


Avtor Eljan Eraly
Basty sózder: Sport, Qoǵam,
Joǵary qaraı