Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Zarına Dııas AQSh-taǵy týrnırdiń fınalynda ese jiberdi

2021 jyldyń 25 qazan 2021 05:24

NUR-SULTAN. QazAqparat – Qazaqstandyq, álemniń 104-raketkasy Zarına Dııas Djordjııa (AQSh) ITF W80 týrnıriniń fınalynda utylyp qaldy, dep habarlaıdy QazAqparat tilshisi.

Qazaqstandyq tennısshi fınalda álemniń 78-inshi, osy jarystyń 1-raketkasy Medıson Brenglmen bas júldeni sarapqa saldy.

Qarsylastar osyǵan deıin úsh ret kezdesip, sonyń ekeýinde Zarına jeńiske jetken eken.

Bul joly birinshi partııada M.Brengl 6:4 esebimen basymdylyq kórsetti.

Ekinshi sette Z.Dııas dál sondaı eseppen qarymta qaıyrdy.

Úshinshi, sheshýshi partııada esep 2:2 bolǵan mezette Brengl breık jasap, alǵa ketkenimen, Zarına sol boıda tarazy basyn teńestirdi – 3:3. Budan keıin de qarsylastar breık almasty. Aqyry amerıkalyq tennısshiniń joly boldy – 6:4.

Tartysty báseke 2 saǵat 38 mınýtqa sozyldy.

Eske sala keteıik, budan buryn qazaqstandyq tennısshiniń elordadaǵy jarystyń jeńimpazy atanǵanyn, Zarına Dııastyń AQSh-taǵy týrnırdiń fınalyna shyqqanyn jazǵan bolatynbyz.

Sondaı-aq Jibek Qulambaeva Qaraǵandydaǵy týrnırdiń chempıony atandy.





Avtor Eljan Eraly
Basty sózder: Sport,
Joǵary qaraı