Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tennıs: Tımofeı Skatov alǵash ret «Úlken dýlyǵa» týrnırinde oınaıdy

2022 jyldyń 14 qańtar 2022 11:05

NUR-SULTAN. QazAqparat – Qazaqstandyq Tımofeı Skatov óz sporttyq jolynda alǵash ret «Úlken dýlyǵa» týrnırinde oınaıdy, dep habarlaıdy QazAqparat tilshisi.

Qazaqstan tennıs federatsııasy málim etkenindeı, T.Skatov Aýstralııa ashyq chempıonaty irikteý saıystarynyń fınalynda portýgalııalyq Gashtaý Elıashpen kezdesti.

Qazaqstandyq tennısshi 6:4, 7:6 (7:5) esebimen jeńiske jetti. Ekinshi partııada Tımofeı 2:5 esebimen utylyp jatyp, tarazy basyn teńestire bildi. Sodan keıin taı-breıkte jeńisti julyp aldy. 1 saǵat 43 mınýtqa sozylǵan báseke barysynda T.Skatov eıs jasamaǵanymen, 7 breık-poınttyń tórteýin paıdalandy. Qarsylasy 8 eıs, 3 breıkke (5 breık-

poınt) qol jetkizdi.

Osylaısha 20 jastaǵy Petropavl qalasynyń týmasy T.Skatov eresekter arasynda birinshi ret Grand Slam dodasynda baq synamaq. Buǵan deıin ol jasóspirimder arasynda «Úlken dýlyǵada» óner kórsetip, 2017 jyly US Open jarysynda jartylaı fınalǵa deıin jetti.

Taǵy bir qazaqstandyq Dmıtrıı Popko irikteý saıystarynyń fınalynda chehııalyq Irjı Lehechkaǵa 6:4, 3:6, 3:6 esebimen ese jiberip, negizgi týrnırge óte almaı

qaldy.

Eske sala keteıik, budan buryn Anna Danılınanyń Sıdneı týrnıriniń jartylaı fınalyna shyqqanyn, Aýstralııa ashyq chempıonatynda Elena Rybakına men Zarına Dııastyń ózara

kezdesetinin jazǵan bolatynbyz.




Avtor Eljan Eraly
Basty sózder: Sport,
Joǵary qaraı