Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Kýkýshkın Nur-Sultan týrnıriniń ekinshi aınalymyna shyǵa almady

2021 jyldyń 22 aqpan 2021 22:58

NUR-SULTAN. QazAqparat - Qazaqstandyq Mıhaıl Kýkýshkın elordada ótip jatqan chellendjer týrnıriniń ekinshi aınalymyna shyǵa almady, dep habarlaıdy QazAqparat tilshisi.

Osy jarystyń 1-raketkasy bolyp tirkelgen qazaqstandyq tennısshi alǵashqy aınalymda amerıkalyq Makkenzı Makdonaldpen kezdesti.

Amerıkalyq sportshy jeksenbi kúni aıaqtalǵan Aýstralııa ashyq chempıonatynyń tórtinshi aınalymyna deıin jetken edi.

Bul joly da M.Makdonald sátti oınap, eki saǵatqa jýyq ýaqytqa sozylǵan matchta 7:5, 7:5 esebimen jeńiske jetti.

Sol sekildi qazaqstandyq jas tennısshi Tımofeı Skatovtyń slovakııalyq Martın Klıjanmen básekesi asa tartysty ótti. 3 saǵat 16 mınýtqa sozylǵan kezdesýde M.Klıjan 6:4, 4:6, 7:6 (7:5) esebimen tarazy basyn ózine aýdara bildi.

Al Aleksandr Nedovesov irikteý saıystarynyń fınalynda ýkraınalyq Vladıslav Manafovqa 3:6, 6:3, 3:6 esebimen ese jiberip, negizgi týrnırge óte almady.

Osylaısha 28 aqpanda márege jetetin elorda jarysynyń alǵashqy kúni qazaqstandyqtar úshin sátsiz boldy.

Eske sala keteıik, budan buryn Novak Djokovıchtiń Aýstralııa birinshiliginiń toǵyz dúrkin chempıony atanǵanyn jazǵan bolatynbyz.



Avtor Eljan Eraly
Basty sózder: Sport, Qoǵam,
Joǵary qaraı