Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Kýkýshkın Istbýrnda negizgi týrnırge joldama aldy

2021 jyldyń 20 maýsym 2021 21:42

NUR-SULTAN. QazAqparat – Qazaqstandyq Mıhaıl Kýkýshkın Istbýrn (Ulybrıtanııa) ATP 250 týrnırine joldama aldy, dep habarlaıdy QazAqparat tilshisi.

Dúnıejúzilik reıtıngte 105-orynda turǵan M.Kýkýshkın irikteý saıystarynyń fınalynda álemniń 91-raketkasy, ıtalııalyq Andeas Seppımen kúsh synasty.

Birinshi partııada qazaqstandyq tennısshi 6:2 esebimen basym tústi.

Ekinshi sette de breıkpen alǵa ketti. Aqyry matchty jeńispen túıindeı bildi – 7:5.

Báseke barysynda M.Kýkýshkın 4 eıs jasap, 7 breık-poınttyń beseýin paıdalana bildi. Qarsylasy bir eıs, qos breıkpen shekteldi.

Osylaısha qazaqstandyq tennısshi júlde qory 547 myń eýrodan asatyn Istbýrn dodasyna joldama aldy. Onyń qarsylasy keıin anyqtalady. Negizgi týrnırde Qazaqstannyń birinshi, álemniń 39-raketkasy Aleksandr Býblık te oınaıdy.

Áıelder arasynda Istbýrn týrnıriniń irikteý saıystarynda qazaqstandyq, álemniń 42-raketkasy ıÝlııa Pýtıntseva reıtıngte 80-oryndaǵy amerıkalyq Medıson Brenglden 5:7, 5:7 esebimen jeńilip qaldy. Degenmen munda Qazaqstannyń birinshi, álemniń 21-raketkasy Elena Rybakına alǵashqy aınalymda ulybrıtanııalyq, reıtıngte 142-satydaǵy Herrıet Dartpen sheberlik baıqasady.

Taǵy bir qazaqstandyq, reıtıngte 307-satydaǵy Anna Danılına Bad-Hombýrg (Germanııa) WTA jarysynyń birinshi aınalymynda álemniń 81-raketkasy, japonııalyq Mısakı Doıdan 2:6, 2:6 esebimen utyldy.

Eske sala keteıik, budan buryn M.Kýkýshkınniń Istbýrn týrnıriniń irikteý saıysyn sátti bastaǵanyn jazǵan bolatynbyz.



Avtor Eljan Eraly
Basty sózder: Sport,
Joǵary qaraı