Aýa raıy
Astana -7 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Kýkýshkın Astana Open týrnırin jeńispen bastady

2020 jyldyń 28 qazan 2020 18:12

NUR-SULTAN. QazAqparat – Qazaqstandyq Mıhaıl Kýkýshkın Astana Open ATP 250 týrnıriniń ekinshi aınalymyna shyqty, dep habarlaıdy QazAqparat tilshisi.

Dúnıejúzilik reıtıngte 91-orynda turǵan M.Kýkýshkın álemniń 76-raketasy, argentınalyq Federıko Delbonıspen kortqa shyqty.

Óz eliniń quramasy sapynda Devıs kýbogynyń jeńimpazy atanǵan F.Delbonıs oǵan qosa ATP týrnırlerinde eki márte top jarǵan-dy. Al M.Kýkýshkınniń 2010 jyly Sankt-Peterbýrg jarysynda úzdik shyqqany belgili.

Birinshi partııada esep 2:1 bolǵan mezette argentınalyq tennısshi breıkke qol jetkizdi – 3:1. Budan keıin M.Kýkýshkın breık jasaǵanymen, qarsylasy sol boıda ese qaıyrdy. Esep 5:3 bolyp, F.Delbonıs setke dop bergende, qazaqstandyq sportshy breık jasap, sosyn tarazy basyn teńestirdi. Alaıda taı-breıkte Delbonıs sátti oınaı bildi – 7:6 (7:5).

Ekinshi sette esep 3:2 bolǵanda, M.Kýkýshkın breık jasap, sol basymdylyǵyn saqtaı aldy – 6:3.

Úshinshi, sheshýshi partııada qos breık jasaǵan qazaqstandyq tennısshi esepti 5:1-ge jetkizdi. Sodan keıin úshinshi matchbolyn paıdalana bildi – 6:2.

Tartysty ótken báseke 2 saǵat 32 mınýtqa sozyldy.

M.Kýkýshkın ekinshi aınalymda álemniń 28-inshi, osy dodanyń 1-raketkasy, frantsııalyq Benýa Permen kezdesedi.

Eske sala keteıik, budan buryn Tımofeı Skatovtyń alǵashqy aınalymnan asa almaǵanyn jazǵan bolatynbyz.


Avtor Eljan Eraly
Basty sózder: Sport,
Joǵary qaraı