Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Qazaqstandyq qyzdar Azııa birinshiliginiń jartylaı fınalyna shyqty

2021 jyldyń 24 qarasha 2021 11:54

NUR-SULTAN. QazAqparat – Qazaqstandyq qyzdar elordadaǵy «Dáýlet» tennıs ortalyǵynda 12 jasqa deıingiler arasynda ótip jatqan Azııa komandalyq birinshiliginiń (ITF Asian 12&Under Team Championships 2021) jartylaı fınalyna shyqty, dep habarlaıdy QazAqparat tilshisi.

Qazaqstan tennıs federatsııasy málim etkenindeı, qyzdar 2019 jylǵy chempıondyq ataǵyn sátti qorǵaýda.

Jarystyń ekinshi kúni qazaqstandyq qyzdar Malaızııa quramasyn 3:0 esebimen utty. Sabına Shýhratova Adanı Raınanǵa birde-bir geım bergen joq. Eva Korysheva da Danı Danıelany ońaı utty – 6:2, 6:3. E.Korysheva men Evelına Balaganskaıa juptyq synda Abd Hazlı – Ýmırahtan basym tústi – 6:2, 6:1.

Toptyq syndaǵy sońǵy matchyn qazaqstandyqtar Úndistanmen ótkizedi. Jeńilissiz kele jatqan qos komanda da jartylaı fınalǵa joldama aldy. Endi qaı jeńgeni jartylaı fınalǵa birinshi orynmen shyǵady.

Ókinishke qaraı, qazaqstandyq uldar Taıland quramasynan jeńilip qaldy – 1:2. Áýeli Madııar Taǵybekov Sýratıtotın Kan Thatqa ese jiberdi – 3:6, 2:6. ıAroslav Pshenıchnyı jekeleı synda tarazy basyn teńestirdi. Áıtse de juptyq synda ıA.Pshenıchnyı men M.Taǵybekov Kan Thatý meen Pngaııadan aılasyn asyra almady – 5:7, 2:6. Endi qazaqstandyq uldarǵa qalaıda jartylaı fınalǵa shyǵý úshin Iordanııa quramasyn utýy kerek.

Eske sala keteıik, budan buryn A.Býblıktiń eıs jasaýdan álemde úzdik nátıje kórsetkenin, Qazaqstan quramasy Azııa birinshiligin jeńispen bastaǵanyn jazǵan bolatynbyz.




Avtor Eljan Eraly
Basty sózder: Sport,
Joǵary qaraı