Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Elena Rybakına Máskeý týrnıriniń ekinshi aınalymyna shyǵa almady

2021 jyldyń 20 qazan 2021 01:13

NUR-SULTAN. QazAqparat – Qazaqstannyń birinshi, álemniń 17-raketkasy Elena Rybakına Máskeýdegi Kreml kýbogy WTA 500 týrnıriniń ekinshi aınalymyna shyǵa almady, dep habarlaıdy QazAqparat tilshisi.

Jarystyń 7-raketkasy bolyp tirkelgen qazaqstandyq tennısshi alǵashqy aınalymda dúnıejúzilik reıtıngte 35-orynda turǵan chehııalyq Marketa Vondroýshovamen sheberlik baıqasty.

Birinshi partııada esep 4:4 bolǵan mezette chehııalyq sportshy taǵy bir breık jasap, sosyn setti óz paıdasyna sheshti – 6:4.

Ekinshi sette de esep 4:4 bolǵanda, Rybakınanyń qateligin paıdalanǵan Vondroýshova breık jasap ketti. Sosyn matchqa dop bergende, óz múmkindigin jibergen joq – 6:4.

1 saǵat 23 mınýtqa sozylǵan match barysynda E.Rybakına 2 eıs jasap, 4 breık-poınttyń jartysyn paıdalandy. Qarsylasy 2 eıs, 4 breıkke (11 breık-poınt) qol jetkizdi.

M.Vondroýshova júlde qory 565 myń AQSh dollarynan asatyn dodanyń shırek fınalyna shyǵý úshin reıtıngte 145-satydaǵy ýkraınalyq Lesıa Tsýrenkomen talasady.

Eske sala keteıik, budan buryn Aleksandr Býblıktiń Máskeý týrnırinde jeńilip qalǵanyn jazǵan bolatynbyz.


Avtor Eljan Eraly
Basty sózder: Sport, Qoǵam,
Joǵary qaraı