Tennıs: Elena Rybakına álemdik reıtıngide rekordtyq kórsetkishke qol jetkizdi

NUR-SULTAN. QazAqparat - Áıelder tennıs qaýymdastyǵy (WTA) jańartylǵan reıtıngti jarııa etti, dep habarlaıdy QazAqparat tilshisi.

Qazaqstan tennıs federatsııasy málim etkenindeı, elimizdiń birinshi raketkasy Elena Rybakına 13-ten 12-orynǵa kóterildi.

Bul - rekordtyq kórsetkish. Qazaqstan áıelder tennısi tarıhynda budan buryn eshkim de mundaı nátıjege qol jetkizbegen edi.

Qazaqstandyqtardan sondaı-aq ıÝlııa Pýtıntseva 43-ten 42-ge, Zarına Dııas 108-den 104-orynǵa joǵarylady.

Endi olar erteń bastalatyn Aýstralııa ashyq chempıonatynda sátti óner kórsetse, reıtıngte kóteriledi.

Eske sala keteıik, budan buryn Aýstralııa ashyq chempıonatynda qazaqstandyq tennısshilerdiń qarsylastary anyqtalǵanyn, Anna Danılınanyń Sıdneı týrnıriniń jeńimpazy atanǵanyn jazǵan bolatynbyz.